हा माझ्या आयुष्यातून गेला तर माझं फार अवघड होईल

गोविंदचा जीव पुजावर, तिचे प्रेम पैशावर
रिल व्हायरल, पुजाला तीन दिवसाची पोलीस कोठडी

वैराग, (रिपोर्टर)ः- गेवराई तालुक्यातील लुखमसला येथील माजी उपसरपंच गोविंद बर्गे (वय 34) यांच्या आत्महत्येप्रकरणी सासुरे (ता. बार्शी) येथील कला केंद्रातील नर्तिका पूजा देवीदास गायकवाड (21) हिच्याविरुद्ध गुन्हा दाखल करण्यात आला आहे. मंगळवारी सासुरे गावातच गोविंद बर्गे यांनी स्वतःच्या गाडीतून स्वतःच्या पिस्तुलाने गोळी झाडून जीवन संपवलं. या घटनेनंतर वैराग पोलिसांनी आत्महत्येत वापरलेल्या पिस्तुलाचा तपास सुरू केला आहे.

दरम्यान या घटनेच्या तपासात अनेक धक्कादायक खुलासे समोर येत आहेत. दरम्यान पूजा ही गोविंद बर्गे यांना वारंवार कोणत्या ना कोणत्या गोष्टींची मागणी करायची, धमक्या द्यायची, या सर्व मानसिक त्रासाला ते कंटाळले होते, अशी माहिती त्यांच्या मित्रांनी दिली आहे.त्याच बरोबर तिचा इन्स्टाग्रामवरील एक व्हिडिओही प्रचंड व्हायर होत असुन या व्हिडिओमध्ये तिने बोटात चार अंगठ्या, हातात पाचशेची नोट घेवून मला या माणसाची विचित्र सवय लागली आहे. ‘हा माझ्या आयुष्यातून गेला तर माझं फार अवघड होईल’ असे म्हंटले आहे. या रिलचा अन् या प्रकरणाचा काही सबंध आहे का? यावरही पोलीस तपास करत आहेत.

गोविंद बर्गे यांनी गेवराई येथे बंगला बांधला होता. या बंगल्यामध्ये नर्तकी पूजा ही दोन दिवस राहिली होती. पुजाला गेवराईतील तो बंगला आवडला. त्यामुळे तिने तो बंगला माझ्या नावावर कर म्हणून हट्ट धरला होता. दरम्यान, गोविंद बर्गे यांनी मी तुला दुसरा बंगला बांधून देतो असं पूजा म्हटलं होतं. आपल्या प्रकरणाची माहिती वडील व बायकोला झाल्यास माझी बदनामी होईल असंही त्यांनी पूजाला सांगितले होते. तरीसुद्धा पूजाने माझा वाढदिवस 15 सप्टेंबरला आहे. त्याअगोदर बंगला नावावर करा आणि भावाला पाच एकर जमीन घेऊन द्या म्हणून तगादा लावला होता.

जर बंगला नावावर नाही केला तर बलात्कार केल्याची तक्रार करण्याची धमकी दिल्याने गोविंदचा बळी गेला असल्याचं नातेवाइकांनी म्हटलं आहे.दुसरीकडे वैराग पोलिसांनी पुजा गायकवाडला न्यायालयात उभे केले असता तिला तीन दिवसांची पोलीस कोठडी देण्यात आली आहे. या प्रकरणाचा कसून तपाास करतांना पुजा गायकवाडच्या इन्स्टाग्रामवर एक रील आढळून आली असून त्या व्हिडिओमध्ये पुजाच्या बोटात चार अंगठ्यज्ञा आहेत. हातात एक पाचशेची नोट आहे. ती लिपसींग करतांना मला या माणसाची विचित्र सवय लागली आहे, हा माझ्या आयुष्यातुन गेला तर फार अवघड होईल असे म्हंटले आहे. या व्हिडिओ बाबतही पोलीस चौकशी करत आहेत.