परळीत धनु भाऊ – पंकजाताईंचा एकहाती विजय…!माय बाप जनतेचे अनेक अनेक आभार – धनंजय मुंडे

परळीच्या मातीची आणि माणसांची बदनामी करणाऱ्या प्रत्येकाला जनतेने मतांमधून उत्तर दिले – धनंजय मुंडे

परळीतील संपूर्ण महायुतीचा प्रयोग आगामी निवडणुकीत देखील कायम राहील – पंकजाताईंचे सुतोवाच

नगराध्यक्ष पद्मश्री बाजीराव धर्माधिकारी १५,६६४ मतांच्या लीडने विजयी

३५ पैकी २५ जागांवर महायुतीचे उमेदवार विजयी, ६ अपक्ष, तर तुतारी गटास केवळ दोन जागा

संध्याताई देशमुख यांच्या सह दीपक देशमुख यांचाही दारुन पराभव

पंकजाताईंसमवेत धनु भाऊंनी विजयी जल्लोष केला साजरा

निवडून आलेले सहा अपक्ष महायुतीतल बंडखोर, सर्वच पाठिंबा देणार

परळी वैद्यनाथ (रिपोर्टर) – परळी नगर परिषदेच्या निवडणुकीत धनंजय मुंडे व पंकजाताई मुंडे या बहीण भावांनी मिळून महायुतीच्या माध्यमातून पुन्हा एकदा एकहाती विजय मिळवत, नगरपरिषदेसह मतदारसंघात आपले वर्चस्व सिद्ध केले आहे. महायुतीच्या नगराध्यक्षपदाच्या उमेदवार सौ. पद्मश्री बाजीराव धर्माधिकारी या तब्बल 15 हजार 664 मतांनी विजयी झाल्या आहेत.

दरम्यान परळीतील 35 पैकी 25 जागांवर महायुतीचे उमेदवार निवडून आले असून सहा जागांवरती महायुतीतील बंडखोर असलेले सहा उमेदवार अपक्ष निवडून आले असून, या सहापैकी पाच उमेदवारांनी महायुतीच्या पॅनलला निकाला दिवशीच पाठिंबा दिला आहे; तर उर्वरित एक उमेदवार ही लवकरच पाठिंबा देणार असल्याचे कळते.

दुसरीकडे तुतारी गटाला केवळ दोन जागांवर विजय प्राप्त करता आला असून, पॅनल प्रमुख दीपक देशमुख यांचा वार्ड क्रमांक सहा मध्ये दारून पराभव झाला आहे.

दरम्यान धनंजय मुंडे यांनी मंत्री पंकजाताई मुंडे यांच्या यश:श्री निवासस्थानी जाऊन पंकजाताईंना शुभेच्छा देत विजयी जल्लोष साजरा केला.

परळीच्या जनतेने आम्हाला वेळोवेळी आशीर्वाद दिले, मात्र मागील काही दिवसांमध्ये परळीच्या मातीची आणि इथल्या माणसांची जी बदनामी राजकीय द्वेषातून केली जात होती, त्याला आज परळीच्या जनतेने मतांमधून उत्तर दिले असल्याचे वक्तव्य धनंजय मुंडे यांनी केले आहे. तर पंकजाताई मुंडे यांनी देखील महाराष्ट्रातील क्वचितच घडलेला संपूर्ण महायुतीचा हा परळी येथील प्रयोग यशस्वी ठरला असून आगामी निवडणुकांमध्ये देखील परळी मतदारसंघात महायुती म्हणूनच आम्ही सामोरे जाऊ असे सूतोवाच करत सर्व विजयी उमेदवारांचे अभिनंदन केले आहे.

ठळक

खा. बजरंग सोनवणे यांचा परळीतील दीर्घ मुक्काम वाया

परळीत मुंडे बहीण भावाला टक्कर देऊन पराभव करून दाखवतो म्हणणारे तुतारी गटाचे सर्वच नेते तोंडघशी

परळी व्यतिरिक्त धनंजय मुंडे यांनी लक्ष घातलेल्या गंगाखेड नगर परिषद निवडणुकीत देखील राष्ट्रवादी काँग्रेसच्या नगराध्यक्ष पदाच्या उमेदवार तथा मुंडेंच्या भगिनी सौ. उर्मिलाताई मधुसूदन केंद्रे विजयी

दीपक देशमुख यांचा प्रभाग क्रमांक ६ मधून ७०० पेक्षा अधिक मतांनी दारून पराभव