बीड (रिपोर्टर) एसकेपी ग्रुप व शुजा क्रीडा मंडळातर्फे सिजन -1 बीएफएल फुटबॉल लिगच्या यशस्वी पहिल्या वर्षानंतर यावर्षी रिपोर्टर चषक बीएफएल सिजन-2 चे आयोजन येत्या 11 ते 15 जानेवारी 2023 दरम्यान छत्रपती संभाजी महाराज (मल्टीपर्पज) क्रीडांगण येथे होत आहे.
ही स्पर्धा बीड जिल्ह्यातील 9 फ्रँचायझी संघात घेण्यात येणार आहे. ज्यात बाहेर जिल्ह्यातील 3 प्लेअर संघात दिसणार आहेत. स्पर्धेचे प्रथम पारितोषिक सय्यद शाकेर भैय्य यांच्यातर्फे 50 हजार व द्वितीय पारितोषिक सय्यद अनवर सलीम यांच्या कडून 30 हजार रुपये ठेवण्यात आले आहे. तसेच फेअर प्ले टीम अवॉर्ड 7 हजार रुपये सय्यद मुस्तफा यांच्याकडून तर 5 हजार खालेद जागीरदार यांच्यातर्फे व प्रत्येक पोझिशनच्या उत्कृष्ट खेळाडुला देण्यात येणार आहे व प्रत्येक मॅचला मॅन ऑफ द मॅच सय्यद सनाउल्ला व शेख वसीम यांच्याकडून देण्यात येणार आहे. तरी बीड जिल्ह्यातील सर्व फुटबॉल प्रेमी व नागरिकांनी अतिशय उत्कृष्ट अशा फुटबॉल स्पर्धेचा मनसोक्त आनंद घ्यावा, असे आवाहन बीएफएल सिजन-2 कमिटीतर्फे करण्यात आले आहे.
नऊ संघांमध्ये रंगणार रिपोर्टर कप बीएफएल फुटबॉल लिग
