बीड (रिपोर्टर) चोरीच्या उद्देशाने घराच्या छतावर दबा धरून बसलेल्या चोरट्याला गावकर्‍यांनी पकडून चोप देत पोलिसांच्या स्वाधीन केले. ही घटना अंभोरा पोलिस ठाण्याच्या हद्दीतील खुंटेफळ पुंडी (ता. आष्टी) येथे 29 जानेवारी रोजी घडली. या प्रकरणी काल अंभोरा पोलिसात गुन्हा दाखल करण्यात आला आहे.
संतोष बाळासाहेब थोरवे या शेतकर्‍याने अंभोरा पोलिसात दिलेल्या तक्रारीत म्हटले आहे की, 29 जानेवारी रोजी रात्री घराच्या छतावर एक चोरटा दबा धरून बसल्याचे त्यांच्या निदर्शनास आले. त्यांनी गावकर्‍यांच्या मदतीने सदरील चोरट्यास पकडून पोलिसांच्या स्वाधीन केले. या प्रकरणी नागेश हनुमंत मुंगसे (रा. खुंटेफळ) याच्या विरुद्ध गुन्हा दाखल करण्यात आला आहे.
दबा धरून बसलेला चोरटा पकडला
