बीड (रिपोर्टर) शिवाजीनगर पोलीस ठाण्याच्या हद्दीत एका अनोळखी इसमाने दोरीच्या सहाय्याने गळफास घेऊन आत्महत्या केल्याची घटना 29 मार्च रोजी घडली आहे. अद्याप या इसमाची ओळख पटली नसून ओळख पटवण्याचे आवाहन पोलिसांकडून करण्यात आले आहे.
शिवाजीनगर पोलीस ठाण्याच्या हद्दीतील सम्राट चौक, हनुमान मंदराजवळ एका दोन मजल्याच्या इमारतीतील जिण्यामध्ये दोरीच्या सहाय्याने एका 35 वर्षीय इसमाने गळफास घेतल्याची तक्रार पांडुरंग गणपत मोरे यांनी शिवाजीनगर पोलिसांना दिली. त्यानुसार शिवाजीनगर पोलिस ठाण्यात आकस्माक मृत्यूची नोंद करण्यात आली आहे. हा इसम तेथे आला कसा? त्याने आत्महत्या कशामुळे केली? याचा तपास पोलिस करत आहे. या इसमाला कोणी ओळखत असेल तर त्यांनी शिवाजीनगर पोलिस ठार्‍याचे एएस क्षीरसागर (मो. 9689828199) वर संपर्क साधण्याचे आवाहन करण्यात आले आहे.
अनोळखी इसमाची आत्महत्या
