बीड (रिपोर्टर): बीड जिल्ह्यामध्ये आत्महत्येचे सत्र सुरुच असून बीड तालुक्यातील नागापूर खुर्द येथील एका 20 वर्षीय तरुणाने लिंबाच्या झाडाला गळफास घेऊन आत्महत्या केली आहे. सदरील तरुणाच्या आत्महत्येचे कारण समजू शकले नाही. घटनेची माहिती पोलीस प्रशासनाला झाल्यानंतर पोलिसांनी घटनास्थळी जावून पंचनामा केला.
वैभव विकास जगताप (वय 20 वर्षे) या तरुणाने आज नागापूर खुर्द शिवारातील एका लिंबाच्या झाडाला सात वाजण्याच्या सुमारास गळफास घेऊन आत्महत्या केली. या घटनेची माहिती नागरीकांना झाल्यानंतर अनेकांनी त्याठिकाणी धाव घेतली. पिंपळनेर पोलीस ठाण्याचे अशोक दराडे, सानेवणे यांनी घटनास्थळी जावून पंचनामा केला. मृतदेहाचे शवविच्छेदन बीडच्या जिल्हा रुग्णालयामध्ये करण्यात आले. तरुणाच्या आत्महत्येचे कारण समजू शकले नाही.
