वनविभागाचे अधिकारी घटनास्थळी पोहचले
वडवणी तालुक्यात खळबळ उडाली
वडवणी (रिपोर्टर):- चिखलबीड शिवारातील ऊसाच्या शेतात मृत अवस्थेत बिबट्या आढळून आल्यानंतर याभागात एकच खळबळ उडाली असून भितीचे वातावरण निर्माण झाले आहे. तर सदरील बिबट्या मोठा असुन कालच मरण पावल्याची चर्चा सुरु असुन मरण पावालेल्या ठिकाणी दुर्गंधी पसरली आहे.
वडवणी तालुक्यातील मौजे चिखलबीड शिवारातील शहराकडे येणाऱ्या रोडवर किमान एक किलो मि.अंतरावर बाबुराव तांदळे यांचे शेत आहे. ऊसाच्या शेतामध्ये सालगडी पाणी देत असताना दुर्गंधीचा वास येऊ लागला तेव्हा सलगड्याने संपुर्ण ऊसाचे शेत पिंजून काढत आसताना मृत अवस्थेत बिबट्या आढळून आला आहे. तर सदरील बिबट्या हा कालच मरण पावला असल्याचे चित्र दिसून येत आहे.तर शेतकऱ्यांने वन विभागाशी संपर्क केला असुन आधिकारी व कर्मचारी घटनास्थळी दाखल झाले आहेत.तर यामुळे याभागात एकच खळबळ व भितीचे वातावरण निर्माण झाले आहे.
