बीड (रिपोर्टर): लोकनेते विनायकराव मेटे यांच्या प्रथम पुण्यस्मरणा निमित्त दिनांक 14 ऑगस्ट रोजी विनायकराव मेटे स्मृतीस्थळावर सकाळी 9:30 वाजता अभिवादनाचा कार्यक्रम संपन्न होणार आहे त्याचबरोबर त्यांच्या स्मृती प्रित्यर्थ रामायणाचार्य ढोक महाराज यांचे कीर्तन आशीर्वाद लॉन्स बीड येथे संपन्न होणार आहे आपल्या लाडक्या लोकनेत्याला अभिवादन करण्यासाठी मोठ्या संख्येने नागरिक उपस्थित राहणार आहेत.
लोकनेते विनायकराव मेटे यांच्या निधनाला वर्ष लोटले आहे समाजाप्रती अत्यंत आत्मीयता असणारा हा नेता असा अचानक अपघाती निधनाने आपल्याला सोडून गेला हे अनेकांना आणखीन देखील पचनी पडणारे नसून विनायकराव मेटे यांनी त्यांच्या हयातीमध्ये जनसामान्याचे केलेले काम आणि त्यांच्याशी जोडलेली नाळ त्याच्यामुळे ते सर्वसामान्य माणसाच्या कायम स्मरणात राहणार आहेत. गतवर्षी त्यांच्या मृत्यूच्या निधन वार्तेने ने बीड जिल्ह्यासह महाराष्ट्र हळहळलेला सर्वांनी पाहिला आभाळाएवढी उंची असलेला या नेत्याला अभिवादन करण्यासाठी उद्या बीड शहर ,ग्रामीण भाग, जिल्ह्यासह राज्यभरातून त्यांचे चाहते येणार आहेत.
