गोरे वस्तीवर घडली घटनाफ
बीड (रिपोर्टर): तारखेसाठी आलेल्या पत्नीस घरी नेऊन तिला बेदम मारहाण करत जिवे मारण्याचा प्रयत्न करण्यात आला. ही घटना शहरालगत असलेल्या गोरे वस्तीवर घडली. जखमी महिलेवर बीडच्या जिल्हा रुग्णालयात उपचार सुरू आहे.
रोहीणी शशीकांत सरवदे (वय 25 वर्षे ह.मु.नांदेड) या महिलेचे आठ महिन्यांपूर्वी लग्न झाले होते. सदरील महिलेचे सासर गोरेवस्ती या ठिकाणी आहे. पती-पत्नीचे भांडण झाल्याने हे प्रकरण कौटुंबिक न्यायालयात सुरू आहे. तारखेसाठी रोहीणी ही बीड येथे आली असता तिला तिच्या पतीने गोरे वस्ती या ठिकाणी नेऊन बेदमपणे मारहाण करून जिवे मारण्याचा प्रयत्न करत कसल्या तरी गोळ्या चारण्यात आल्या. जखमी महिलेवर जिल्हा रुग्णालयात उपचार सुरू आहेत.
