बीड (रिपोर्टर)- वयोवृद्ध दाम्पत्य घरात झोपले असता अज्ञात चोरट्यांनी पाठीमागून घरात प्रवेश करत घरातील रोख रक्कम व सोन्या-चांदीचा असा एकूण 1 लाख 5 हजाराचा ऐवज लंपास केला. ही घटना चकलांबा पोलीस ठाण्याच्या हद्दीतील फुलसांगवी येथे काल घडली. या प्रकरणी पोलीसात अज्ञात चोरट्याविरोधात गुन्हा दाखल करण्यात आला आहे.
शहाजी रमेश बारहत्ते (रा. फुलसांगवी) यांनी दिलेल्या फिर्यादीत म्हटले आहे की, त्यांचे आई-वडिल झोपलेल्या रुममध्ये पाठीमागून अज्ञात चोरट्याने प्रवेश करत घरातील कपाटात ठेवलेले सोन्या-चांदीचे दागिने, रोख रक्कम असा एकूण 1 लाख 5 हजाराचा ऐवज लंपास केला. या प्रकरणी चकलांबा पोलिसात गुन्जहा दाखल झाला असून पुढील तपास पोलीस उपनिरीक्षक इंगळे हे करत आहेत.
