पाचोड पोलिसांची कारवाई; तिघांविरुद्ध गुन्हा दाखल
शहागडचे अजूनही तरुण सहभागी असण्याची शक्यता
आय.आय.सय्यद । शाहगड
शहागड (ता.अंबड) सह परिसरात कित्येकदा व्यापार्यांना पैशांच्या बंडल मध्ये 500 च्या डुप्लीकेट नोटा आल्या गेल्या मात्र त्या कळल्या नाहीत.जो व्यापारी, व्यावसायिक बँकेत पैसे जमा करण्या करिता गेला, पैसे मोजणार्या मशीनने डुप्लीकेट नोट बाजूला फेकल्यावरच ते प्रकार लक्षात आलेले आहेत.नाहीतर हा प्रकार शहागडसह परिसरात कित्येक वर्षांपासून सुरू आहे, आजपर्यंत कुणाच्या लक्षात आले नाही.
मात्र सोमवारी मध्यरात्री पाचोड (ता.पैठण, जि. छत्रपती संभाजीनगर) च्या पोलीस पथकाने शहागड (ता.अंबड) येथील सचिन मधुकर जाधव, व अप्पासाहेब पवार, अंकुश नगर येथील कुंदन सुधाकर जगताप तरुणाला उचलले असल्याने एकच खळबळ उडाली आहे.
शहागड (ता.अंबड) व अंकुश नगर चे तरुण डुप्लीकेट नोटांच्या गोरख धंद्यात असल्याचा सुगावा एका गुन्ह्याच्या तपासात पाचोड (ता.पैठण) च्या पोलिसांना लागला होता.तोच दरम्यान सोमवारी 6 नोव्हेंबर रोजी सायंकाळी एक जण डुप्लीकेट नोटा घेऊन येणार असल्याची माहिती उपनिरीक्षक अशोक माळी यांना मिळाली होती. मिळालेल्या माहितीनुसार सहाय्यक पोलीस निरीक्षक संतोष माने यांच्या मार्गदर्शनाखाली सापळा रचला असता, चक.04.ॠच.2552 या क्रमांकाची स्विफ्ट कार हॉटेल निसर्ग येथे येऊन थांबली. पोलिसांनी छापा टाकून सदरील तरुण कुंदन सुधाकर जगताप याची चौकशी व झडती घेतली असता, 500 च्या 13 डुप्लीकेट नोटा मिळून आल्या. कुंदन जगताप याला पोलिसी खाक्या दाखवला असता, सचिन मधुकर जाधव (रा.शहागड, ता.अंबड) याच्याकडून या बनावट विकत घेतल्या असल्याचे कबुली त्याने दिली.तद्नंतर पाचोड पोलिसांनी आपला मोर्चा शहागडकडे वळविला सचिन मधुकर जाधव याला ताब्यात घेऊन चौकशी व झडती घेतली असता त्याच्या खिशात 500 च्या 31 डुप्लिकेट नोटा मिळून आल्या.त्याला पोलिसी खाक्या दाखवला असता त्याने या डुप्लिकेट नोटा त्याचा मित्र अप्पासाहेब पवार (रा.शहागड, ता.अंबड) याच्याकडून घेतल्याची कबुली दिली.तद्नंतर पोलीसांनी अप्पासाहेब पवार याचा शोध घेण्यासाठी त्याचे घर गाठले असता, अप्पासाहेब पवार हा तोपर्यंत पळून गेला होता.हे तीन जणच नाहीतर या डुप्लिकेट नोटा प्रकरणात शहागडसह परिसरातील अजूनही काही तरुण असल्याची चर्चा आहे.पाचोड पोलिसांनी या तिघांविरुद्ध गुन्हा दाखल केला आहे.सदरील कारवाई यशस्वी करण्यासाठी पोलिस अधीक्षक मनिष कलवानिया, अप्पर पोलीस अधीक्षक सुनील लांजेवार, उपविभागीय पोलिस अधिकारी डॉ. सिध्देश्वर भोरे, सहाय्यक पोलीस निरीक्षक संतोष माने यांच्या मार्गदर्शनाखाली उपनिरीक्षक सुरेश माळी, अभिजित सोनावणे, पोलीस नाईक फिरोज बरडे, पोलीस नाईक पवण चव्हाण यांनी केली.शहागड : 500 च्या डुप्लिकेट नोटा प्रकरणात शहागड चा सचिन जाधव, व अंकुरनगर चा कुंदन जगताप याला स्विफ्ट कार सह अटक करण्यात आली.
