टेलिग्राम लिंकसह अर्पिता मुर्थीवर गुन्हा दाखल
बीड (रिपोर्टर): बीड (रिपोर्टर): बीडमधील माजी मंत्री यांचे बंधू तथा आमदाराचे डॉक्टर असलेले चुलते यांना ऑनलाईन गंडा घातला गेल्याची धक्कादायक माहिती समोर आली असून फॉरेक्स मार्केटमध्ये पैसे गुंतवण्याचे आमिष दाकवून टेलीग्राम लिंडकद्वारे थोडेथिडके नव्हे तब्बल 57 लाख 20 हजार रुपयांना संबंधितांना गंडा गालण्यात आल्याने एकच खळबळ उडाली आहे. या प्रकरणी संबंधित डॉक्टरांनी सायबर क्राईममध्ये धाव घेत तक्रार दाखल केली असून त्यांच्या तक्रारीवरून संबंधित टेलिग्राम चॅनल व अर्पिता मुर्ती हिच्या विरोधात गु.र.नं. 2/2024 कलम 420 सह अन्य कलमांतर्गत गुन्हा दाखल करण्यात आला आहे.
याबाबत अधिक असे की, सोशल साईटमार्फत विविद लिंकद्वारे वेगवेगळे आमिष दाखवून सायबर क्राईम करणारे अनेकांना गंडवतात. पेन्सीलच्या निर्मितीपासून ते शेअर मार्केटपर्यंत पैसे कमविण्याचे वेगवेगळे आमिष सातत्याने दाखवले जातात. त्यात अनेक जण अडकतात आणि लाख मोलाचे बँक बॅलन्स रिकामे करतात. येथे मात्र थेट माजी मंत्री यांचे छोटे बंधू तथा आमदाराचे चुलते यांना थोडेथिडके नव्हे तर 57 लाखांना गंडा गालण्यात आला आहे. माहे नोव्हेंबरमध्ये सोशल साईटवर अर्पिता मोनिका (रा. बेंगलोर) हिच्या सोबत चॅटिंग झाली, त्यावेळी संबंधित व्यक्तीने फॉरेक्स ट्रेडिंगमध्ये आपण इच्छूक आहात का? अशी विचारणा केली त्यावर डॉक्टर यांनी ॅफॉरेक्स ट्रेडिंगमध्ये गुंतवणूक करण्याची इच्छा असल्याचे सांगितले. पुढे त्या ठगाने टेलिग्राम आयडी अॅड द रेट अप्पू अर्पिता हिने स्टार बॅनर ग्लोबल लि. ही लिंंक पाठविली. 10 नोव्हेंबर रोजी अर्पिता हिने सुरुवातीला 40 हजार रुपयांचा भरणा करण्यास सांगितला. तिथून पुढे सातत्याने ट्रेडिंगमध्ये गुंतवणूक करत 16 नोव्हेंबर रोजी 10 लाख गुंतवणूक केली. पुढे ही गुंतवणूक वाढत जात सरशेवटी 57 लाख 20 हजार रुपये एवढी गुंतवणूक झाली. मात्र नंतर याबाबत काहीच उत्तर येत नसल्याने आपली फसवणूक झाल्याचे लक्षात आल्याचे सांगून डॉक्टरांनी थेट बीड सायबरकडे तक्रार दिली. त्या तक्रारीवरून अज्ञात संबंधित टेलिग्राम लिंक व अर्पिता मुर्ती यांच्या विरोधात गु.र.नं. 2/2024 कलम 420 सह अन्य कलमान्वये गुन्हा दाखल करण्यात आला आहे. याचा तपास बीड सायबर पोलीस करत आहेत.