गेवराई तालुक्यातील मारफळा येथील घटना
गेवराई (रिपोर्टर): विद्युत तारेला धरून आत्महत्या करण्याचा प्रयत्न करणार्या पित्याला वाचवत असताना पिता-पुत्राचा दुर्दैवी मृत्यू झाल्याची घटना आज गेवराई तालुक्यातील मारफळा येथे घडली. या घटनेने गेवराई तालुक्यात हळहळ व्यक्त केली जात आहे. मृतदेहाचे जिल्हा रुग्णालयामध्ये शवविच्छेदन करण्यात आले.
अभिमान लक्ष्मण कबले (वय 45) व ज्ञानेश्वर(माऊली) अभिमान कबले(21) रा.मारफळा ता.गेवराई जि.बीड असे या दुर्घटनेत मृत झालेल्या बाप लेकाचे नाव असून, अभिमान कबले व त्यांचा मुलगा ज्ञानेश्वर हा एक एकर उसाला रासायनिक खत टाकताना शेतकरी अभिमान कबले यांनी शेतातील विज वाहिनीच्या तारेला स्पर्श केला. आपले वडिलास करंट लागला असे निदर्शनास येताच मुलगा ज्ञानेश्वर हा वडिलांना बाजुला करत असताना त्याचा देखील यात मृत्यू झाला.
या दुर्घटनेची माहीती ग्रामस्थ तसेच नातेवाईकांनी घटनास्थळावर धाव घेत या बाप-लेकास बीडच्या जिल्हा रुग्णालयात उपचारास दाखल करण्यात आले. मात्र, उपचारापूर्वीच त्यांचा मृत्यू झाल्याचे डॉक्टरांनी सांगीतले. दरम्यान, अभिमान कबले हे शेतकरी मागील दिवसापासून कर्ज कसं फिटणार, मुलीचे लग्नाचे काय होणार या विवंचनेत होते. यातून त्यांनी हे टोकाचे पाऊल उचलले असल्याचे माहीती येथील सरपंच तथा नातेवाईक शरद कबले यांनी दिली. मात्र,मुलाने वडिलास वाचवण्याचा प्रयत्न करताना त्याचा देखील धक्कादायक मृत्यूने मारफळा गावात हळहळ व्यक्त होत आहे.
