एसपी ऑफीससमोर आंदोलन
बीड (रिपोर्टर): यश ढाका खून प्रकरणातील मास्टरमाइंड असलेल्या गणेश शिराळे याच्यावर गुन्हा दाखल करून त्याला तात्काळ अटक करण्यात यावी यासह इतर मागण्यांसाठी आज जिल्हा पोलीस अधिक्षक कार्यालयासमोर यश ढाका याच्या नातेवाईकांकडून आंदोलन करण्यात येत आहे. सदरील या आंदोलनाला मनसेने पाठिंबा दर्शवत आंदोलनामध्ये सहभाग घेतला होता.
गेल्या काही महिन्यांपूर्वी यश ढाकाचा खून करण्यात आला. या प्रकरणातील मास्टरमाइंड गणेश शिराळे याच्यावर गुन्हा दाखल करण्यात यावा व त्यास अटक करण्यात यावी, घटनास्थळी हजर असणारे व आरोपींना मदत करणार्यांना सह आरोपी करावे, प्रकरण फास्टट्रॅक कोर्टात चालविण्यात यावे, सर्व आरोपींची नार्को टेस्ट करण्यात यावी आदी मागण्यांसाठी जिल्हा पोलीस अधिक्षक कार्यालयासमोर यश ढाका यांचे कुटुंबिय आंदोलन करत आहेत. या आंदोलनाला मनसेने पाठिंबा देत या आंदोलनात सहभाग घेतला. मनसेच्या महिला आघाडीच्या वर्षाताई जगदाळेसह पँथरचे नितीन सोनवणे यांची उपस्थिती होती.
