बीडच्या न्यायालय परिसरात महिलांनी स्वत:च्या अंगावरचे कपडे काढले
बीड (रिपोर्टर) बीडच्या कोर्टात साक्ष घेण्यासाठी एका आरोपी महिलेला हजर करण्यात आले होते. परत औरंगाबाद पोलिस तिला घेऊन जात असताना त्या महिलेच्या इतर चार पाच महिला नातलगांनी आपल्या अंगावरील कपडे काढून पोलिसांच्या कामात अडथळा निर्माण केला. हा गोंधळ तब्बल तीस ते चाळीस मिनिटे सुरू होत. त्यानंतर शिवाजीनगर पोलिस ठाण्याच्या महिला पोलिसांनी सदरील महिलांना ताब्यात घेतले. हा सर्व प्रकार आज घडला.
बीडच्या कोर्टात साक्ष देण्यासाठी औरंगाबाद पोलिसांनी एका महिलेला हजर केले होते. साक्ष झाल्यानंतर औरंगाबाद पोलीस त्या महिलेला घेऊन जात असताना चार ते पाच महिलांनी आपल्या अंगावरील कपडे काढत पोलिसांना रोखले. यावेळी तेथे बराच गोंधळ उडाला. त्यानंतर सुजान नागरिकांनी याची माहिती पोलिस अधिक्षकांना फोनवरून दिल्यानंतर एसपींनी त्या ठिकाणी शिवाजीनगर ठाण्याच्या महिला कर्मचार्यांना आणि दंगल नियंत्रण पथकाला पाठवले. त्यानंतर महिला पोलिसांनी गोंधळ घालणार्या महिलांना ताब्यात घेतले. या प्रकरणी गोंधळ घालणार्या महिलांविरोधात शिवाजीनगर पोलीस ठाण्यात गुन्हा दाखल करण्याची प्रक्रिया सुरू होती