Thursday, July 29, 2021
No menu items!
Homeबीडजिल्ह्यात पॉझिटिव्ह रुग्णांचा आकडा वाढला ९५ रुग्ण पॉझिटिव्ह

जिल्ह्यात पॉझिटिव्ह रुग्णांचा आकडा वाढला ९५ रुग्ण पॉझिटिव्ह

सर्वाधिक बीडचे ३८
बीड (रिपोर्टर)- बीड जिल्ह्यामध्ये कोविडच्या रुग्णांची संख्या मध्यंतरी कमी झाली होती. मात्र आता पुन्हा कोविडने डोके वर काढले. काल ५७ पॉझिटिव्ह रुग्ण आढळून आले होते. आज मात्र यामध्ये मोठी वाढ झाली आहे. ८२० संशयितांचे स्वॅब तपासण्यात आले. यात ९५ रुग्ण पॉझिटिव्ह आले. सर्वाधिक बीडमध्ये ३८ रुग्ण पॉझिटिव्ह आलेले आहेत.
गेल्या काही दिवसांपासून राज्यभरात कोरोना पॉझिटिव्ह रुग्णांची संख्या वाढत असल्याने सतर्कता बाळगण्याचे आदेश प्रशासनाने दिले आहेत. बाहेर फिरताना मास्क वापरणे सक्तीचे केले आहे. जे नागरिक मास्क वापरणार नाहीत त्यांना दंडात्मक कारवाई करण्याची सूचना पोलिस आणि नगरपालिका प्रशासनाला दिल्या आहेत. काल बीड जिल्ह्यामध्ये ५७ रुग्णांचा अहवाल पॉझिटिव्ह आला होता. आज मात्र पॉझिटिव्ह रुग्णांची संख्या मोठ्या प्रमाणात वाढली. ८२० स्वॅब तपासण्यात आले त्यात ९५ रुग्ण हे पॉझिटिव्ह आले तर ७२५ रुग्ण हे निगेटिव्ह आले आहेत. अंबाजोगाईतून ७, आष्टी ९, बीड ३८, गेवराई ९, केज १, माजलगाव ६, परळी १४, पाटोदा १, शिरूर ७ आणि वडवणीमध्ये ३ रुग्ण पॉझिटिव्ह आढळून आलेले आहेत.

Most Popular

ताज्या बातम्यांसाठी टेलीग्रामवर आमचं चॅनेल (@beedreporter) जॉइन करा येथे क्लिक करा आणि महत्त्वाच्या न्यूज अपडेट मिळवा.

error: Content is protected !!