Saturday, October 16, 2021
No menu items!
Homeकोरोनाकोरोनाचा वाढता प्रादुर्भाव; २२ दिवसात २५ मृत्यू ४ हजारापर्यंत रुग्णही सापडले

कोरोनाचा वाढता प्रादुर्भाव; २२ दिवसात २५ मृत्यू ४ हजारापर्यंत रुग्णही सापडले

बीड (रिपोर्टर):- गेल्या महिन्याभराच्या कालखंडात बीड जिल्ह्यात कोरोनाने उच्छाद् मांडला असून चालू महिन्याच्या २२ दिवसांच्या कालखंडात जिल्ह्यात तब्बल ३ हजार ८०० पेक्षा जास्त कोरोनाबाधीत रुग्ण आढळून आले आहे तर २५ कोरोना बाधीतांचा मृत्यू झाल्याची धक्कादायक बाब समोर आली आहे. एकूणच जिल्ह्यात कोरोनाचा वाढता प्रादुर्भाव पाहता सर्वसामान्य नागरिकांकडून कोरोनाला हद्दपार करण्याबाबत ज्या उपाययोजना आणि नियमावली शासन-प्रशासनाकडून दिली आहे तिचे पालन होत नसल्याचे दिसून येते.
गेल्या महिन्याच्या २८ फेब्रुवारी रोजी बीड जिल्ह्यात कोरोनाचे ६७८ बळी होते. काल २२ मार्च रोजी हिच बळींची संख्या ६०३ वर जावून पोहचली आहे. गेल्या २२ दिवसांच्या कालखंडात जिल्ह्यातील कोविड सेंटरमध्ये तब्बल २५ कोरोना बाधितांचा मृत्यू झाला असून या २२ दिवसांच्या कालखंडात रोज वाढणारे रुग्ण पाहता ३ हजार ८०० च्या वर रुग्ण या महिन्यात वाढले आहेत. दोनशेपेक्षा अधिक रुग्ण रोज जिल्ह्यात मिळून येत असून गेल्या दोन-तीन दिवसांपासून तीनशेच्या वर जावून पोहचत आहे. बीड शहरासह जिल्ह्यातील विविध भागात कोरोनाचा प्रादुर्भाव झपाट्याने वाढत असून मृतांची संख्याही वाढत असल्याचे आकडेवारीवरून स्पष्ट होते. शासन-प्रशासन व्यवस्थेने जिल्ह्यात कोरोनाचा प्रादुर्भाव रोखण्यासाठी अनेक उपाययोजना योजिल्या आहेत. मात्र या उपाय योजनांकडे नागरिकांकडून दुर्लक्ष केले जाते. त्यामुळे कोरोनाचा प्रादुर्भाव दिवसेंदिवस वाढत आहे.


२९४६ संशयितांमध्ये
आढळले २०७ बाधित

बीड (रिपोर्टर):- आरोग्य विभागाने काल १ हजार ९४६ संशयितांचे स्वॅब तपासणीसाठी पाठवले होते. त्याचा अहवाल आज दुपारी प्राप्त झाला असून यामध्ये २०७ जण बाधित आढळून आले आहे. बीड तालुक्यात आज ४२ रूग्ण आढळले आहेत. त्यापाठोपाठ अंबाजोगाई ५६, आष्टी १७, धारूर ८, गेवराई ९, केज ११, माजलगाव २५, परळी १५, पाटोदा १२, शिरूर ८ तर वडवणी तालुक्यात ४ रूग्ण आढळुन आले आहेत.

Most Popular

error: Content is protected !!