बीड (रिपोर्टर) विभक्त झालेल्या महिलेचा दिराकडून छळ होत असून याबाबत महिलेने दिराविरोधात पोलिसात तक्रार दाखल केली आहे. तसेच तिच्या मुलीलाही मारहाण करून तिचा विनयभंग केल्याची घटना घडली असून या प्रकरणी पेठ बीड पोलिसात गुन्हा दाखल करण्यात आला आहे.
आदित्य कॉलेज भागात राहणार्या एका महिलेचा 2016 साली तलाख झालेला आहे. मात्र तिला चार आपत्य असल्याने तिच्या पतीने तिला गट नं. 115 तरफ पिंगळे तेलगाव रोड, आदित्य कॉलेज येथील प्लॉट व जुने घर दिले आहे. येथे ती महिला आपल्या मुलासह राहते. मात्र त्या महिलेला चुलत दिर वाजेद शेख चाँद, नवीन शेख चाँद, उबेद शेख चांद, चांद शेख दादामियाँ आणि शेख सालिया, शेख जरीना, शहाना शेख अहेमद, रौफ शेख, पाशा शेख हे वारंवार त्रास देत आहेत. ती जमीन हाडपण्याचा ते प्रयत्न करत असून त्यासाठी सदरील महिलेचा छळ आरोपी करत असल्याचे महिलेने तक्रारीत म्हटले आहे. तिच्या मुलीने पेठ बीड पोलिसात दिलेल्या तक्रारीत म्हटले आहे की, 26 ऑगस्ट 2022 रोजी ती तिच्या भावंडांसह घरी असताना त्या ठिकाणी सालिया शेख, जरीना शेख, शहाना शेख, रौफ शेख, पाशा शेख, वाजेद शहा चांद, नवीद शहा, उबेद शहा, शेख रईसा व इतर सहा ते सात लोक त्यांच्या घरात घुसले व तुझ्या आईने आमचे सोने नेले आहे, असे म्हणत तिला मारहाण केली व वाईट हेतुने तिच्यावर हात टाकला तर गळ्यातील सोनेही ओरबाडून नेल्याचे तक्रारीत म्हटले आहे. या प्रकरणी पेठ बीड पोलिसात गुन्हा दाखल झाला असून पोलीस पुढील तपास करत आहेत.