बीड (रिपोर्टर): बीड बसस्थानकामध्ये बसमध्ये चढत असतांना गर्दीचा फायदा घेवून अज्ञात चोरट्याने व्यापार्याचा खिसा कापून रोख रक्कम लंपास केल्याची घटना काल सकाळी 9 वाजता घडली. या प्रकरणी शिवाजीनगर पोलिसात तक्रार दाखल करण्यात आली आहे.
राजेश अनंत नाईवाडे (वय 33 वर्षे, रा.सुलतानपुर, ता.जि. बीड) हे व्यापारी गावी जाण्यासाठी बीड बसस्थानकात काल दि. 24 मार्च रोजी सकाळी 9 वाजता आले होत. ते बसमध्ये चढत असतांना मोठी गर्दी होती. याच गर्दीचा फायदा घेवून अज्ञात चोरट्याने त्यांचा खिसा कापला. त्यामध्ये 50900 रुपये होते. या प्रकरणी शिवाजीनगर पोलिसात अज्ञात चोरट्याविरुध्द गुन्हा दाखल करण्यात आला आहे.