डॉ. माजेद यांनी केली यशस्वी शस्त्रक्रिया
बीड (रिपोर्टर) बीडच्या जिल्हा रुग्णालयामध्ये आज एका महिलेवर मोठी शस्त्रक्रिया करून महिलेच्या पोटातून अडीच किलोचा गोळा काढण्यात आला. ही शस्त्रक्रिया डॉ. सुरेश साबळे यांच्या मार्गदर्शनाखाली सर्जन डॉ. माजेद व त्यांच्या टीमने केली आहे.
सुनिता कल्याण कोल्हे या महिलेस पोटाचा त्रास होत असल्याने त्यांच्या नातेवाईकांनी तिला बीडच्या जिल्हा रुग्णालयामध्ये दाखल केले. सोनोग्राफी केल्यानंतर महिलेच्या पोटात गोळा असल्याचे डॉक्टरांनी सांगितल्यानंतर सदरील महिलेच्या पोटावर शस्त्रक्रिया करण्यात आली. शस्त्रक्रिया करून महिलेच्या पोटातील तब्बल अडीच किलोचा गोळा (पान 7 वर)
काढण्यात आला. ही शस्त्रक्रिया डॉ. सुरेश साबले यांच्या मार्गदर्शनाखाली डॉ. माजेद व त्यांच्या टीमने केली आहे. जिल्हा रुग्णालयात सर्वसामान्य रुग्णावर चांगले उपचार होत असल्याचे यातून दिसून येत आहे. महिलेची प्रकृती सुधारत आहे. हीच शस्त्रक्रिया खासगी रुग्णालयात केली असती तर मोठ्या प्रमाणात आर्थिक भुर्दंड सहन करावा लागला असता.