पात्रुडमध्ये साडेसात लाखाचा गुटखा पकडला.
स्थानिक पोलिस प्रशासन करतय तरी काय ?
माजलगाव (रिपोर्टर) अतिरिक्त पोलीस अधीक्षक पंकज कुमावत यांच्या पथकाने पात्रुड येथे गोवा गुटखाची वाहतूक करणारे दोन वाहने पकडली.ही कारवाई पोलिसांनी गुरुवार दि.15 रोजी रात्री 11 वाजण्याच्या दरम्यान केली.यात सात लाखाच्या गुटख्या सह दोन्ही वाहनांना ताब्यात घेतले आहे.
बुधवारी रात्री 11 वाजण्याच्या दरम्याण पात्रुड येथे गोवा गुटख्याची डिलिव्हरी होत असल्याची माहिती पोलिसांना मिळाली.या माहितीवरून पोलिसांनी त्या ठिकाणी सापळा रचला.या वेळी अशोक लिलँड पिक अप क्रमांक चक 05 इक 0934 मधुन पांढर्या रंगाच्या 6 (भोत)पिशव्या स्वीफ्ट डिझायर कार क्रमांक चक 04 ॠऊ 3997 मध्ये टाकण्यात येत होत्या. पोलिसांनी त्या पकडल्या.यावेळी पोलिसांनी गुटख्यासह दोन्ही वाहनांची अंदाजित 14 लाख 97 हजार 125 रुपयाचा मुद्देमाल ताब्यात घेतला.दरम्यान गुरुवार दि 16 रोजी अतिषकुमार शंकरराव देशमुख(पो.ना.) यांच्या फिर्यादीवरून आरोपी आसेफ कडुमीयाँ शेख (रा.रहमानी मज्झीद जवळ, पात्रुड. खमर इनामदार रा.पात्रुड. जिंबक डुकरे रा.मनुर. यांच्याविरुद्ध ग्रामीण पोलीस ठान्यात गुरन 153/2022 भा.द.वि. कलम 328 , 272,273 प्रमाणे गुन्हा दाखल करण्यात आला आहे.
