बीड(रिपोर्टर): गत दहा वर्षांपूर्वी बीड जिल्ह्यातील पोलीस दलात कर्तव्यावर असणारे गजानन भातलवंडे यांची लातूर येथे पोलीस उपअधिक्षकपदी बढती झाली आहे. त्यांनी आपल्या कार्यकाळामध्ये पीआय पासून ते उपअधिक्षक पदापर्यंत कर्तव्य बजावले आहे.
दहा ते बारा वर्षांपूर्वी बीड जिल्ह्यात विविध पोलीस ठाण्यामध्ये कर्तव्य करून गेलेले गजानन भातलवंडे यांची कारकिर्द अधिक चांगली होती, बीड सह पिंपळनेर आणि अन्य ठिकाणी गजानन भातलवंडे यांनी कर्तव्यावर असतांना कायदा व सुव्यवस्था अधिक अधिक सदृढ होईल याकडे लक्ष दिले तुम्ही आमचा मान ठेवा आम्ही तुमचा सन्मान करू असे ब्रिद घेवून गुन्हेगारांवर वचक ठेवत गुन्हेगारी प्रवृत्तीला ठेचत भातलवंडे यांनी काम केले. गेल्या दहा वर्षांपासून ते लातूर जिल्ह्यात विविध पदावर कार्यरत होते. पोलीस ठाण्यासह गुन्हे अन्वेषण विभाग आणि अन्य विभागातही त्यांनी आपल्या कर्तव्य कर्माची चुणूक दाखविली. पोलीस दलाने गजानन भातलवंडे यांची पोलीस उपअधिक्षक म्हणून नुकतीच बढती केली आहे.
