बीड, (रिपोर्टर)ः- बाथरूम साठी जाताच चोरट्याने एका व्यक्तीची मोटार सायकल व मोबाईल चोरून नेल्याची घटना केज अंबाजोगाई रोडवरील पिसेगाव फाटा येथे घडली आहे. या प्रकरणी अज्ञात चोरट्या विरोधात गुन्हा दाखल करण्यात आला आहे.
बीड जिल्ह्यात मोटार सायकल चोरीच्या घटना दिवसे दिवस वाढत चालल्या आहेत. दररोज कुठे ना कुठे मोटार सायकल चोरीला जावू लागली. जिल्ह्यात मोटार सायकल चोरणार्या टोळ्या सक्रीय असल्याचे दिसुन येवू लागले. शासकीय कार्यालयासह इतर ठिकाणाहून गाड्या चोरीला जावू लागल्या आहेत. सुरेश बंडू गायकवाड (रा.आनंदगाव ता.केज) हे केज अंबाजोगाई रोडवरील पिसेगाव फाटा येथे गाडी उभी करून बाथरूमला गेले होते. याच संधीचा फायदा उचलून अज्ञात चोरट्याने त्यांची मोटार सायकल व मोबाईल चोरून नेला. परत आल्यानंतर गायकवाड यांना आपली गाडी चोरीला गेल्याचे दिसुन आले. सदरील ही गाडी हिरो एच.एफ डिलक्स या कंपनीची होती. दरम्यान गेल्या काही वर्षापासुन जिल्हाभरात मोटार सायकल चोरट्यांचा धुमाकूळ सुरू आहे. दररोज कुठे ना कुठे चोरीची घडना घडत असल्याचे दिसुन येत आहे. चोरट्यांचा बंदोबस्त करण्याची मागणी केली जात आहे.