कसत असलेल्या जमिनीत महाडाचा प्रकल्प उभारण्यास विरोध
बीड, (रिपोर्टर)ः-केज येथील सर्व्हे नं.100 मध्ये प्रशासन महाडाचा प्रकल्प उभा करत आहेत. यामुळे येथील पारधी समाजाचे जलजिवन उध्दवस्त होणार असुन प्रकल्प उभारण्यास पारधी समाजाने विरोध दर्शवून आपल्या मुला बाळासह जिल्हाधिकारी कार्यालयासमोर रखरखत्या उन्हात आमरण उपोषण सुरू केले आहे.
केज येथील सर्व्हे नं.100 मध्ये पारधी समाजाचे 11 कुटूंब गेल्या 40 वर्षापासुन राहत आहेत. ज्या जमीनीत ते राहतात त्यावर त्यांची उपजिविका भागते. त्याच जमिनीवर महाडाचा प्रकल्प उभा करण्याचा प्रयत्न प्रशासनाने सुरू केला आहे. महाडाचा प्रकल्प उभारल्यास आमचं जनजिवन उध्दवस्त होईल असे म्हणत पारधी समाजाच्या नागरीकांनी आज जिल्हाधिकारी कार्यालयासमोर महिला, मुला समवेत रखरखत्या उन्हात आमरण उपोषण सुरू केले. दरम्यान शासनाने आमच्या मागणीची दखल न घेतल्यास दिल्ली येथील लाल किल्ला या ठिकाणी सामुहिक आत्मदहन करण्याचा इशाराही आंदोलन कर्त्यानी दिला आहे.
