शहरातील 1 कोटी 71 लक्ष रुपयाच्या विकास कामाचा झाला शुभारंभ
बीड (रिपोर्टर): विधानसभा निवडणूकीच्या वेळी जे आश्‍वासन दिले होते त्याची वचनपुीर्त आता होत आहे. शहराचा सर्वागिण विकास व्हावा हेच ध्येय ठेवून येणार्‍या निवडणूकीला सामोरे जात आहोत. बीड नगर पालिकेत नगराध्यक्षासह सर्व नगरसेवक राष्ट्रवादी काँग्रेस पक्षाचा झेंडा फडकवतील असा ठाम विश्‍वास आहे असे प्रतिपादन आ.संदीप क्षीरसागर यांनी केले.
ते शहराच्या मध्यवर्ती ठिकाणी असलेल्या फ्रूट मार्केट व जुनी भाजी मंडई येथील विविध विकास कामाच्या शुभारंभ प्रसंगी बोलत होते. आ.क्षीरसागर यांच्या हस्ते आज 1 कोटी 71 लक्ष रुपयांच्या विकास कामाचा शुभारंभ करण्यात आला.
यावेळी अनेक मान्यवरांची उपस्थिती होती. आ.क्षीरसागर पुढे म्हणाले की, शहराच्या विकासाच्या दृष्टीकोणातून सर्वांगिण विकास होणे हे गरजेचे आहे. विधानसभा निवडणूकीच्या वेळी दिलेल्या शब्दाची वचनपूर्ती आज पुर्ण करत आहे. शहराचा सर्वांगिण विकास व्हावा हे ध्येय ठेवून येणार्‍या निवडणूकीला सामोरे जात आहोत. बीड नगर पालिकेत नगराध्यक्षासह सर्व नगरसेवक राष्ट्रवादीचे निवडून येतील असा विश्‍वास आ.संदीप क्षीरसागर यांनी व्यक्त केला आहे. दरम्यान भगवानबाबा प्रतिष्ठानजवळील नगर पालिकेच्या मालकीच्या जागेत सभामंडप बांधकाम, खडकपूरा ते गफार मिस्त्री यांच्या घरापर्यंत सिमेंट रस्ता व नालीचे काम , अबुबकर यांचे घर ते बाबा चौक, गुलदाद खान पठाण यांच्या घरापर्यंत सिमेंट व नाली बांधकाम, प्रभाग क्र. 17 मधील बारदरी मस्जीद जवळ सार्वजनिक सिमेंट रस्ता व नाली बांधकाम, भोलेबाबा मस्जीद जवळील नगर परिषदेच्या मालकीच्या मोकळ्या जागेवर सभागृह बांधकाम, कंकालेश्‍वर मंदिराच्या बाजूला लक्ष्मीबाई मंदिर जवळ नगर पालिकेच्या मोकळ्या जागेवर सभामंडप बांधकाम, कंकालेश्‍वर मंदिराच्या मागे लिंगायत वाणी समाजाच्या स्मशानभूमी परिसरात संरक्षण भिंत बांधकाम, धनगरपुरामधील नगर पालिकेच्या मोकळ्या जागेवर सभागृह बांधकाम, पांडू भालशंकर रोड ते हनुमान मंदिर पर्यंत सार्वजनिक सिमेंट रस्ता व नाली बांधकामाचे आ.क्षीरसागर यांच्या हस्ते उद्घाटन करण्यात आले. या उद्घाटन समारंभाच्या वेळी अनेकांची उपस्थिती होती.
