अकरा लाखांचा मुद्देमाल लंपास, पाच ते सहा दरोडेखोरांकडून दहशत
चाकूचा धाक दाखवला, परिसरात भितीचे वातावरण
वडवणी (रिपोर्टर):- वडवणी तालुक्यातील कवडगाव येथील बबनराव धुराजी मांजरे यांच्या घरावर काल दि. 28 ऑक्टोबर रोजी पहाटे अडीच ते तीन वाजण्याच्या सुमारास अज्ञात पाच ते सहा दरोडेखोरांनी दरोडा टाकून घरातील नगदी रक्कम व सोन्याच्या दागिने असे 11 लाख 20 हजार 800 रुपयांचा मुद्देमाल लंपास केल्याचा प्रकार घडला आहे. या प्रकरणाचा तपास करण्यासाठी वडवणी पोलिसांसमोर मोठे आव्हान चोरट्यांनी उभा केले आहे.
वडवणी तालुक्यातील कवडगाव येथील रहिवासी व कृषी उत्पन्न बाजार समिती वडवणी संचालक बबनराव मांजरे यांच्या घरी काल दि. 28 ऑक्टोबर मंगळवार रोजी अज्ञात पाच ते सहा दरोडेखोरांनी घरात प्रवेश करून पत्नीला उठवून तिला चाकूचा धाक दाखवुन तु येथेच थांब असे म्हणूनच आमच्य घरातील ईतर दरवाज्याना बाहेरून कडी लावून परत माझ्या पत्नीच्या रूम मध्ये येऊन माझ्या पत्नीला म्हणाले की, पैसे व सीने कोठे ठेवले आहेत तेव्हा माझी पत्नी म्हणाली की, कपाटाची चावी माझ्या कडे नाही. अस म्हणताच त्यांनी लोखंडाच्या गजाने कपाटाचे लॉक तोडले व त्यातील रोख रकम 40.000/-रुपये काढून घेतले व बाजुला असलेल्या लोखंडी पेटी मध्ये कपडे व स्टिल डबा यामध्ये मुलांचे लग्नासाठी ठेवलेले एक लाख रुपयेचे सोने व 15,0000/- रुपये तसेच इतर रोख रक्कम व सोन्याचे दागिने असे एकुण सोने 830800/- रूपये व रोख रक्कम 2,90,0000 रुपये असा एकून 1120800/- रुपयेचा मुद्देमाल दि. 28/10/2025 रोजी अदाजे रात्री 02.30 ते 03.00 वाचण्याच्या सुमारास माझ्या पत्नीला चाकूचा धाक लोखंडी रोडने लॉक तोडुन त्याच्यातील नगदी रुपये सोन्या चांदिचे दागिणे व रोख रक्काम 2.90.000/-वाखचन अनोळखी 5 ते 6 इसमाने घरात प्रवेश करून म हॉल मधील पेटीचे लॉक तोडुन त्या मध्ये डब्यातील रूपये अत्ता ऐकून 1120800/- अनोळखी चोरट्यानी चोरून घेवुन दरोडा घातला आहे. अशा आशयाची बबन मांजरे यांनी वडवणी पोलीस स्टेशनला दिलेले फिर्यादीवरून अज्ञात पाच ते सहा दरोडेखोर्याविरुद्ध दरोडेचा गुन्हा दाखल झाला आहे. या प्रकरणाचा पुढील तपास सपोनि वर्षा व्हगाडे मॅडम या करत आहेत. तरी वडवणी तालुक्यातील कवडगाव येथे धाडसी दरोडा पडल्याने जनतेमध्ये भीतीचे वातावरण निर्माण झाले आहे. तसेच दरोडेखोरांनी वडवणी पोलीसा समोर तपासाचे आव्हान देखील निर्माण केले आहे.
तपास अधिकार्यांकडून माहिती
या प्रकरणातील तपासी अधिकारी तथा वडवणी पोलीस स्टेशनच्या सपोनि वर्षा व्हागाडे यांच्याशी भ्रमणध्वनीद्वारे संपर्क साधला असता त्या म्हणाल्या की, काल घटनास्थळी ऍडिशनल एसपी चेतना तिडके, माजलगावचे डीवायएसपी गायकवाड, मी स्वतः, बीट अंमलदार यांनी भेट दिली. श्वान पथकाला पाचरण करण्यात आले होते. परंतु कोणताही पुरावा मिळून आला नाही. या प्रकरणाचा तपास सुरू आहे अशी माहिती दिली आहे.
