दिंद्रुड (रिपोर्टर) दिंद्रुड महसूल मंडळातील शेतकरी मागच्या पंधरा दिवसापासून होत असलेल्या अतिवृष्टीमुळे पूर्णपणे उद्दिष्ट झाला असून शासनाने दिंद्रुड महसूल मंडळातील शेतकर्यांना 25 टक्के अग्रीम व सरसकट मदत तात्काळ जाहीर करावी या मागणीसाठी अखिल भारतीय किसान सभेच्या वतीने दिंद्रुड येथे रास्ता रोको आंदोलन करण्यात आले.
माजलगाव विधानसभा मतदारसंघातील दिंद्रुड महसूल मंडळामध्ये मागच्या पंधरा दिवसांमध्ये ढगफुटी सदस्य पाऊस झाल्यामुळे दिंद्रुड महसूल मंडळातील सोयाबीन कापूस तूर ही सर्व पिके पूर्णपणे उध्वस्त झाली असून शेतकर्यांच्या (पान 7 वर)
हातात तोंडाची आलेल्या घास निसर्गाने हिसकावून घेतल्यामुळे मायबाप सरकारने दिंद्रुड महसूल मंडळातील सर्व शेतकर्यांना सरसकट मदत जाहीर करावी व दिंद्रुड महसूल मंडळाचा 25 % अग्रीम मध्ये तात्काळ समावेश करावा या मागणीसाठी अखिल भारतीय किसान सभेच्या वतीने दिंद्रुड येथे तब्बल एक तास रास्ता रोको आंदोलन करण्यात आले. सदरील रास्ता रोको आंदोलनामध्ये दिंद्रुड महसूल मंडळातील शेतकरी सहभागी झाले होते. सदरील रास्ता रोको आंदोलन यशस्वी करण्यासाठी सुहास प्रकाश झोडगे, युवा नेते हनुमान फपाळ,बाबा फपाळ,विजय झोडगे,विलास लाटे,नवनाथ धुमाळ,अर्जुन दादा पवार ,राज झोडगे यांच्यासह अनेक कार्यकर्त्यांनी मेहनत घेतली.
सरसकट मदतीचा प्रस्ताव शासनाकडे सादर
सदरील रास्ता रोको आंदोलनाचे निवेदन स्वीकारण्यासाठी आलेले कृषी मंडळ अधिकारी जनार्धन भगत यांनी सर्व शेतकर्यांशी संवाद साधताना आम्ही शासनाकडे सरसकट मदत जाहीर करावी असा अहवाल सादर केला असून दिंद्रुड महसूल मंडळाचा 25% अग्रीम मध्ये समावेश करण्याची कायदेशीर प्रक्रिया सुरू असल्याचे म्हटले. यावेळी मंडळ अधिकारी अमोल सवाईश्याम,तलाठी भारत भट्टे उपस्थित होते.ङ्ग
