परळी (रिपोर्टर) परळी तालुक्यातील गाडेपिंपळगाव येथील एक युवक पुराच्या पाण्यात वाहून गेला असून तो अद्यापही सापडला नाही. त्याच्या शोधासाठी ड्रोनचा वापर करण्यात येत आहे.
आकाश आरगडे हा युवक नदीच्या पुरामध्ये वाहून गेला. त्याचा सर्वत्र शोध घेतला मात्र तो अद्यापही सापडला नाही. गेल्या काही दिवसांपूर्वी माजलगाव धरणात एक व्यक्ती बुडाला होता. त्याचा शोध काही तासांमध्ये घेण्यात आला. त्यापद्धतीने सदरील तरुणाचा शोध घेण्याची मागणी केली जात आहे. दरम्यान तरुणाच्या शोधासाठी ड्रोनचा उपयोग केला जात आहे. जिल्हा प्रशासनाने तात्काळ तरुणाचा शोध घ्यावा, अशी मागणी फुलचंद कराड यांनी केली आहे. पुरात वाहून गेलेला आकाश आरगडे याचा मृतदेह गेल्या तीन दिवसांपासून मिळत नसल्याने त्याच्या कुटुंबियांचे सांत्वन करण्यासाठी फुलचंद कराड गेले असता त्यांनी घडलेल्या सर्व प्रकरणाची माहिती विभागीय आयुक्त सुनील केंद्रेकर यांना फोनद्वारे दिली. केंद्रेकर यांनी तात्काळ जिल्हा प्रशासनाला आदेत मृतदेह शोधण्याचे आदेश दिले.
गाडेपिंपळगावचा वाहून गेलेला तरुण अजून सापडला नाही, शोधासाठी ड्रोनचा उपयोग
