मुंबई (रिपोर्टर) ठाकरे गटाची धडाडती तोफ आणि गेल्या काही दिवसांत शिंदे गटाच्या रडारवर आलेल्या सुषमा अंधारेंना शह देण्यासाठी शिंदे गटाने मोठी खेळी केली आहे. सुषमा अंधारे यांच्यापासून विभक्त झालेले पती वैजनाथ वाघमारे लवकरच शिंदे गटात प्रवेश करणार आहेत. त्यामुळे येत्या काळात हा संघर्ष आणखी वाढण्याची शक्यता आहे.
सुषमा अंधारे यांच्यापासून विभक्त झालेले त्यांचे पती वैजनाथ वाघमारे अडसरकर यांचा आज शिंदे गटात प्रवेश होणार आहे. टेंभी नाका येथील आनंद मठात मुख्यमंत्री एकनाथ शिंदे यांच्या उपस्थितीत त्यांचा पक्षप्रवेश होणार आहे. याच कार्यक्रमात अभिनेत्री दिपाली सय्यद यांचाही प्रवेश होणार आहे. मात्र ही खेळी शिंदे गटाकडून सुषमा अंधारे यांना निष्क्रीय करण्यासाठी खेळली जात असल्याचे म्हणण्यात येत आहे. हा त्यांच्यासाठी एक मोठा धक्का असल्याचे म्हणण्यात येत आहे.
सुषमा अंधारेंचे पती वैजनाथ वाघमारे शिंदे गटात जाणार
