बीड (रिपोर्टर) एक वर्षापुर्वी एका अनोळखी मुलाची फेसबुकवर ओळख झाल्याने एक 16 वर्षीय अल्पवयीन मुलगी कोणाला काहीही न सांगता घरातून निघून गेली होती. तिच्यावर कोल्हापूरमध्ये फेसबुक फ्रेंडने अत्याचार केल्याची खळबळजनक घटना उघडकीस आली असून या प्रकरणी बीड ग्रामीण पोलिसात अज्ञात आरोपीविरोधात गुन्हा दाखल करण्यात आला आहे.
पोलिस सुत्रांकडून मिळालेली माहिती अशी की, बीड ग्रामीण ठाणे हद्दीतील 16 वर्षीय मुलीची एक वर्षापुर्वी समद महंमद तहसीलदार (वय 19 वर्षे, रा. खेबळी ता. गडहिंगलज जि. कोल्हापूर) याच्याशी फेसबुकवर ओळख झाली होती. त्या ओळखीचे (पान 7 वर)
रुपांतर प्रेमात झाल्यानंतर ती मुलगी 24 मे रोजी कोणाला काहीही न सांगता घरातून निघून गेली होती. बीडहून कोल्हापूरला गेल्यानंतर तेथील आगरा येथे 25 मे रोजी एका बंदस्थितीत असलेल्या विश्रामगृहात या दोघांनी मुक्काम केला. या वेळी सदर तहसीलदारने तिच्यावर हत्याचार केला. दरम्यान 26 रोजी सकाळी त्या दोघांना तेथील स्थानिक नागरिकांनी पकडून पोलिसांच्या स्वाधीन केले. त्यानंतर हा प्रकार उघडकीस आला. या प्रकरणी बीड ग्रामीण पोलिस ठाण्यात नातेवाईकांच्या तक्रारीवरून याअगोदर अज्ञात व्यक्तीविरोधात फूस लावून पळवून नेल्याचा गुन्हा दाखल झाला होता. त्यानंतर यामध्ये बलात्कारासह अन्य कलम वाढवण्यात आले. कोल्हापूर पोलिसांनी या प्रकरणात बीड पोलिसांना माहिती कळवल्यानंतर बीड ग्रामीण ठाण्याचे सहायक निरीक्षक योगेश उबाळे यांच्या मार्गदर्शनाखाली पोलिस नाईक ए.बी. गायकवाड, किशोर राऊत हे 27 मे रोजी कोल्हापूरला गेले होते. तेथून दोेघे प्रेमी युगुलांना बीडला आणले. या प्रकरणाचा पुढील तपास पिंक पथकाच्या उपनिरीक्षक मिना तुपे या करत आहेत.
