बीड (रिपोर्टर) शहरातील मिल्लिया शाळेचे सेवानिवृत्त शिक्षक हाजी शहेंशाह अहमद यांचे आज 2 मार्च रोजी बडीराज गल्ली बीड येथील राहत्या घरी निधन झाले. मृत्युसमयी त्यांचे वय 80 वर्षे होते. ते गेल्या काही दिवसांपासून आजारी होते. पहाटे त्यांची प्राणज्योत मालवली. त्यांच्या पश्चात एक मुलगा, चार मुली, सुन, जावई असा मोठा परिवार आहे. दुपारी तीन वाजता चंदाशाह मस्जिद येथे जनाजा नमाज अदा करून तेथील कब्रस्तानमध्ये त्यांच्यावर दफनविधी करण्यात येणार आहे. हाजी शहेंशाह अहमद हे अत्यंत शिस्तीचे आणि धार्मिक वृत्तीचे होते. गणित विषयाचे उत्कृष्ट शिक्षक म्हणून त्यांनी कारकिर्द गाजवली. अत्यंत मनमिळावू स्वभावाचे म्हणून ते सर्वपरिचीत होते. हाजी शहेंशाह यांच्या कुटुंबियाच्या दु:खात रिपोर्टर परिवार सहभागी आहे.
मिल्लियाचे सेवानिवृत्त शिक्षक हाजी शहेंशाह अहमद यांचे निधन
