आज सकाळी उघडकीस आली घटना; मयता सोबतचे ते दोघे जण कोण? सीसीटीव्ही कॅमेर्‍यात तिघे जण कैद
बीड (रिपोर्टर): चर्‍हाटा फाट्याजवळील उड्डाण पुलाजवळ ,का 34 वर्षीय मजुराचा दगडाने ठेचून निर्घृणपणे खून केल्याचा प्रकार आज सकाळी उघडकीस आला. घटनेची माहिती ग्रामीण पोलिसांना झाल्यानंतर पोलिसांनी घटनास्थळी जावून पंचनामा केला. या तरुणासोबत अन्य दोघे जण मोटारसायकलवर जात असल्याचे सीसीटीव्ही कॅमेर्‍यात कैद झाले असून त्या दिशेने ग्रामीण पोलीस तपास करत आहेत.
पांडुरंग उर्फ पप्या नारायण माने (वय 34, रा. आनंदवाडी) या तरुणाचा चर्‍हाटा फाट्याजवळील उड्डाणपुलावर दगडाने ठेचून निर्घृणपणे खून करण्यात आला. आज सकाळी काही नागरीक वॉकिंगसाठी या परिसरात गेे असता त्यांना मृतदेह आढळून आला. या घटनेची माहिती ग्रामीण पोलिसांना झाल्यानंतर पोलीस ठाण्याचे विश्वास पाटील, सुनिल अलगट यांच्यासह आदी कर्मचार्‍यांनी घटनास्थळी जावून पाहणी केली. या तरुणासोबत अन्य दोघे जण एका सीसीटीव्हीमध्ये जात असल्याचे दिसत आहे. पोलीस त्या दिशेने तपास करत आहेत.
