नेकनूर येथे घडली रात्री घटना
नेकनूर (रिपोर्टर): भरधाव वेगात जाणार्‍या एका अज्ञात वाहनाने 35 वर्षीय आयआरबीच्या कर्मचार्‍यास जोराची धडक दिल्याने यात सदरील कर्मचारी गंभीररित्या जखमी होऊन जागीच ठार झाला. ही घटना रात्रीच्या दरम्यान नेकनूर येथे बीड ते केज रोडवर घडली.
विनोद मनोहर वाघमारे (रा. चंद्रपूर, वय 35 वर्षे) हे आयआरबी कंपनीमध्ये कामाला होते. रात्री नऊ वाजण्याच्या दरम्यान बीड ते केज रोडवरून जात असताना त्यांना अज्ञात वाहनाने जोराची धडक दिली. ते यामध्ये गंभीररित्या जखमी होऊन मरण पावले. घटनेची माहिती पोलीस प्रशासनाला झाल्यानंतर पो.कॉ. प्रशांत क्षीरसागर यांनी घटनास्थळी जावून पंचनामा केला. या प्रकरणी अज्ञात वाहन चालकाविरोधात गुन्हा दाखल करण्यात आला आहे.
