बीड (रिपोर्टर)- माझी लाईट का बंद आहे, असे म्हणत एका व्यक्तीने लाईनमनला अरेरावीची भाषा करत त्यास मारहाण केल्याची घटना पिंपळनेर पोलीस ठाण्याच्या हद्दीतील चव्हाणवाडी येथे घडली असून या प्रकरणी आरोपीविरोधात गुन्हा दाखल करण्यात आला आहे.
अश्‍वलिंग नानाभाऊ बरे हे चव्हाणवाडी-कुक्कडगाव या ठिकाणी लाईनमन म्हणून कार्यरत आहेत. ते काल आपल्या सहकार्‍यांसोबत ट्रान्सफार्मर बसविण्यासाठी चव्हाणवाडीत गेले असता त्याठिकाणी भाऊसाहेब वामनराव तोडेकर हा आला व त्याने माझी लाईट का बंद आहे, असे म्हणत लाईनमनला अरेरावीची भाषा वापरून मारहाण केली. शासकीय कामात अडथळा निर्माण केल्या प्रकरणी आरोपीविरोधात पिंपळनेर पोलीस ठार्‍यात गुन्हा दाखल करण्यात आला आहे.
