पेठ बीड पोलिसांची कारवाई
साडेतीन किलो गांज्यासह दोन तलवारी, एक कत्ती जप्त
आरोपी अटक
बीड (रिपोर्टर)- शहरातील पेठ बीड भागातील तेलगाव नाका परिसरामधील एका घरात गांजा असल्याची माहिती पोलीस प्रशासनाला झाल्यानंतर डीवायएसपींसह पेठ बीड पोलिसांनी घराची झाडाझडती घेतली असता घरात साडेतीन किलो गांज्यासह दोन तलवारी, एक कत्ती आढळून आली. पोलिसांनी आरोपीविरोधात गुन्हा दाखल केला आहे.
तेलगाव नाका येथील वाजेद खान (वय 30 वर्षे) याच्या गरामध्ये गांजा असल्याची माहिती डीवायएसपी वाळके यांना झाल्यानंतर वाळकेंसह पेठ बीड ठाण्याचे
काशीद, पवार, जाधव यांनी वाजेद खान याच्या घराची झाडाझडती घेतली. घरामध्ये साडेतीन किलो गांजा त्याचबरोबर दोन तलवारी आणि एक कत्ती सापडली आहे.. या प्रकरणी वाजेद खान याच्या विरोधात पेठ बीड पोलीस ठाण्यात गुन्हा दाखल करण्यात आला आहे. दरम्यान गेल्या काही दिवसांपूर्वीच नशेचे पदार्थ घेऊन जाणार्‍या एका व्यक्तीला पकडण्यात आले होते. त्यानंतर पोलीस प्रशासन सतर्क झाले आहे. बीडमधील अनेक भागात सर्रास नशाचे पदार्थ विकले जात आहेत. नशेचे पदार्थ विकणार्‍यांविरोधात ठोस कारवाई करण्याची मोहीम पोलीस प्रशासनाने हाती घेतली आहे.
