पाटोदा (रिपोर्टर) पाटोदा तालुक्यातील श्री क्षेत्र रामेश्वर सौताडा येथील रामेश्वर मंदिर भुतवडा रोड मागील बाजूस असलेल्या रस्त्यावर बिबट्या आढळल्याने ग्रामस्थांमध्ये मोठ्या प्रमाणात भीतीचे वातावरण पसरले आहे.सौताडा रामेश्वर धबधबा येथे परिसरात येथे मोठ्या प्रमाणात लोकवस्ती असून पुणे नगर हायवे जवळच काही अंतरावर बिबट्या आढळल्याने आश्चर्य व भीती व्यक्त करण्यात येत असून नागरिकांच्या मनामध्ये मोठ्या प्रमाणात भीतीचे वातावरण आहे.
श्री क्षेत्र रामेश्वर येथे मंदिराजवळ काही अंतरावर बिबट्या दिसल्याने बिबट्याला पाहिले व त्याचा व्हिडीओ बनवला असून बिबट्या लोकवस्ती जवळ दिसल्याने भीती व्यक्त करण्यात येत आहे. कामाला जाणारे कामगार व महिला भगिनी, स्थानिक नागरिक व रहिवासी यांच्या मनामध्ये भीती निर्माण झाली असून कामावर, शाळेत व इतर कामासाठी बाहेर जाण्यासाठी नागरिकांना भीती वाटत असून बिबट्या येतो की काय? असा भीतीयुक्त प्रश्न नागरिकांना पडत आहे. बिबट्या आढळल्याने नागरिकांच्या जीविताच्या दृष्टीने काळजी घेत वनविभागाने तातडीने पिंजरा बसवावा अशी मागणी सौताडा गावाचे सरपंच बाळू घुले यांनी केली आहे.नागरिकांनी सावधानी बाळगा सौताडा रामेश्वर नजीक बिबट्याचा वावर असल्याने नागरिकांनी सावधानी बाळगण्याचे आवाहन सरपंच बाळू घुले यांनी करताना बिबट्या दिसला अगर कुत्र्यांचा भुंकण्याचा जास्त आवाज झाला तर फटाके फोडण्याचे आवाहन त्यांनी केले.