बीड (रिपोर्टर): शिवसेनेचे जिल्हा सहसंपर्क प्रमुख बाळासाहेब अंबुरे यांचे ज्येष्ठ चिरंजीव रोहित याचा विवाह प्रभुदयाल चव्हाण यांची ज्येष्ठ कन्या भाग्यश्री हिच्यासोबत काल मोठ्या थाटात अन् मोठ्या उत्साहात साजरा झाला. यावेळी शिवसेनेचे ज्येष्ठ नेते तथा मुख्यप्रतोद आ.सुनिल प्रभु हे सहकुटुंब वधुवरांना शुभाशिर्वाद देण्यासाठी उपस्थित होते.
त्याचबरोबर जिल्ह्यासह मराठवाड्यातील आणि मुंबईतील राजकीय, सामाजिक, व्यावसायिक सह अन्य क्षेत्रातील मान्यवरांनी मोठ्या संख्येने उपस्थिती दर्शवून रोहित व भाग्यश्री हिस शुभाशिर्वाद दिले. सदरचा विवाह हा बीड शहरातील सुसज्ज अशा माँ वैष्णव पॅलेस या ठिकाणी संपन्न झाला. शिवसेनेचे सहसंपर्क प्रमुख बाळासाहेब अंबुरे यांचे ज्येष्ठ चिरंजीव रोहित व प्रभुदयाल पंडीतराव चव्हाण यांची ज्येष्ठ कन्या भाग्यश्री हिचा विवाह विधीवत पद्धतीने साजरा झाला. यावेळी वधुवरांना शुभाशिर्वाद देण्यासाठी अध्यात्मिक क्षेत्रातील महानुभवासह राजकीय क्षेत्रातले लोक मोठ्या संख्येने उपस्थित होते. अंबुरे गेल्या दोन दशकापासून शिवसेना प्रमुख बाळासाहेब ठाकरे यांच्या विचारावर प्रभावित होत शिवसेनेमध्ये एकनिष्ठतेने काम करत आले आहेत. त्यांच्या ज्येष्ठ चिरंजीवाच्या विवाहासाठी मंत्री, माजी मंत्री, आजी, माजी, खासदार, आमदार, जिल्हा परिषद सदस्य, पं.स.सदस्य यांच्यासह व्यापारी, वकील, पत्रकार, अधिकारी, कर्मचारी, सर्वसामान्यांनी उपस्थिती दर्शवून वधुवरांना शुभाशिर्वाद दिले. यावेळी बाळासाहेब अंबुरे व त्यांच्या अप्तस्वकियांसह मित्र परिवाराने येणार्‍या पाहुण्यांचे स्वागत केले.
