बीड (रिपोर्टर): दरवर्षी प्रमाणे याही वर्षी 30 डिसेंबर रोजी व्यसनमुक्तीसाठी जनजागृती रॅलीचे आयोजन करण्यात आले असून 31 डिसेंबरला स्वरसुमनांजली कार्यक्रम होत आहे. या कार्यक्रमाला शहरवासियांनी मोठ्या संख्येने उपस्थित राहण्याचे आवाहन डॉ. ज्योतीताई मेटे यांनी केले आहे. त्या आयोजीत पत्रकार परिषदेत बोलत होत्या.
कार्यक्रमाच्या संदर्भात माहिती देण्यासाठी ज्योतीताई मेटे यांनी आज पत्रकार परिषदेचे आयोजन केले होते. या वेळी शिवसंग्रामचे पदाधिकारी उपस्थित होते. ज्योतीताई मेटे म्हणाल्या की 31 डिसेंबर रोजी सामाजिक दृष्टकोनातून व्यसनमुक्तीचा कार्यक्रम राबविला जात आहे. लोकनेते स्व. विनायकराव मेटे यांच्या संकल्पनेतून हा कार्यक्रम होत आहे. त्यांचा वारसा पुढे चालवण्यात येत आहे. 30 डिसेंबर रोजी व्यसनमुक्तीसाठी जनजागृती रॅली आयोजीत करण्यात आली आहे. त्याचा शुभांभ सकाळी नऊ वाजता श्रीमंत योगी छत्रपती शिवाजी महाराज क्रीडांगणापासून होईल व पुढे सुभाष रोड, माळीवेस, बलभीम चौक, कारंजा रोड, बशीरगंज, छत्रपती शिवाजी महाराज पुतळा मार्गे डॉ. बाबासाहेब आंबेडकर, सामाजिक न्यायभवन, नगर रोड बीड येथे महारॅलीचा समारोप होईल तसेच रविवार दि. 31 डिसेंबर रोजी लोकनेते स्व. विनायकराव मेटे यांच्या स्मरणार्थ ‘स्वरसुमनांजली’ हा कार्यक्रम डॉ. बाबासाहेब आंबेडकर सामाजिक न्यायभवन नगर रोड बीड येथे सायंकाळी साडेसात ते बारापर्यंत आयोजीत केेलेला आहे. तरी 30 डिसेंबर व 31 डिसेंबर या दोन्ही कार्यक्रमास उपस्थित राहण्याचे आवाहन ज्योतीताई मेटे यांनी केले आहे.
