सोशल मिडियावर पोस्ट केले ‘हॅशटॅग मराठा आरक्षण’
बीड/लातूर (रिपोर्टर): हॅशटॅग मराठा आरक्षण अशी सोशल मिडियावर पोस्ट करत बी.व्ही. काळे मेडिकल कॉलेजच्या विद्यार्त्थ्याने आज सकाळी हॉस्टेलच्या रुममध्ये गळफास घेऊन आत्महत्या केल्याने एकच खळबळ उडाली. सदरचा विद्यार्थी हा बीड जिल्ह्यातील लोणी शहाजानपूर येथील रहिवासी आहे. प्रदीप निवृत्ती मते या विद्यार्थ्याने मराठा आरक्षणासाठी आत्महत्या केल्याचे समोर आले असून सुसाईड नोटमध्ये एक-एक पानावर एक-एक वाक्य त्याने लिहिले आहे. त्यामध्ये ‘नेवर टू बी परफेक्ट’ ‘आय लव्ह यू पप्पा’ हॅशटॅग मराठा आरक्षण’ शिक्षण घेणारे विद्यार्थी आरक्षणाकडे भविष्य म्हणून पाहत असताना प्रशासन आणि शासन व्यवस्था मात्र याकडे दुर्लक्ष करत आहेत. त्यातूनच मराठा समाजात आत्महत्या वाढत आहेत. असा सूर समाजातून निघत आहे.
बीडपासून काही अंतरावर असलेल्या लोणी येथील प्रदीप निवृत्ती मते हा बी.ए. एम.एस. साठी लातूर येथील बी.व्ही. कॉलेज मेडिकल कॉलेजमध्ये शिक्षण घेत होता. तो त्याच कॉलेजच्या वस्तीगृहात राहायचा. आज सकाळी त्याने आपल्या रुममध्ये गळफास घेऊन आत्महत्या केली. तत्पूर्वी प्रदीपने व्हॉटस्अ‍ॅपच्या स्टेटसवर हॅशटॅग मराठा आरक्षण अशी पोस्ट केल्याचे दिसून आले. त्याचबरोबर त्याने फेसबुकवरही तशा आशयाची पोस्ट केली होती. प्रदीप मते याने नुसती पोस्टच केली नाही तर तीन ते चार पानांवर एक-एक वाक्यात आपल्या मनातली पिडा वाक्यातून व्यक्त केली. एका पानावर त्याने ‘नेवर टू बी परफक्ट’ असे हिलेले आहे तर दुसर्‍या पानावर ‘आय लव्ह यू पप्पा, माझं काही चुकलं असेल तर माफ करा’ असे लिहिले आहे. अन्य एका पानावर हॅशटॅग मराठा आरक्षण असे लिहिल्याचे दिसून येते. गेल्या काही महिन्यात बीडसह अनेक ठिकाणी मराठा आरक्षणासाठी समाज बांधवांनी आत्महत्यासारखा मार्ग स्वीकारला. शालेय आणि महाविद्यालयीन विद्यार्थी मराठा आरक्षणाकडे आपलं भविष्य पाहतात, मात्र याकडे शासन-प्रशासन व्यवस्था दुर्लक्ष करताना दिसून
