बीड (रिपोर्टर): धारूर येथील रहिवासी असलेल्या व पुणे या ठिकाणी कृषी विषयात बी.टेक करणार्‍या एका 23 वर्षीय तरुणीचे फोटो आणि व्हिडिओ इन्स्टाग्रामवर पाठविण्यात आले. या तरुणीच्या फिर्यादीवरून बीड सायबर पोलीस ठाण्यामध्ये किराणा दुकानावर काम करणार्‍या एका तरुणाविरोधात गुन्हा दाखल करण्यात आला आहे.
धारूर येथील 23 वर्षीय तरुणी पुणे या ठिकाणी अ‍ॅग्री विषयामध्ये बायोटेकचे शिक्षण घेत आहे. दरम्यानच्या काळामध्ये ही मुलगी गावी आल्यानंतर तिची ओळख किराणा दुकानात काम करणार्‍या आशिष महादेव तेलंग या तरुणासोबत ओळख झाली. या ओळखीचे रुपांतर प्रेमात झाले. मात्र दरम्यानच्या काळामध्ये या दोघांच्याही गरी या प्रेमाची कुणकुण लागताच मुलीच्या घरच्यांनी मुलीला समजावून सांगत तिचे रौळसागव या ठिकाणच्या एका तरुणासोबत लग्न जमवण्यात आले. मात्र आपल्या सोबतचे प्रेमसंबंध तोडल्यामुळे आशिष तेलंग हा प्रचंड दुखावला. त्याने रागाच्या भरात सदर तरुणीच्या होणार्‍या पतीला इन्स्टाग्रामवर तरुणीचे अश्‍लिल फोटो आणि व्हिडिओ पाठविले. यातून तिचे लग्न मोडले. एवढेच करूनच हा आशिष तेलंग थांबला नाही तर त्याने मुलीच्या भावालाही हे फोटो, हिव्हओ पाठविले. त्यातून या तरुणीने आपल्या लौकिकास बाधा पोहचली, आपली बदनामी झाली म्हणून आशिष महादेव तेलंग याच्या विरोधात बीड सायबर पोलिसात फिर्याद दिल्यानुसार आशिष तेलंग याच्या विरोधात भा.दं.वि. कलम 500, 509 आणि माहिती तंत्रज्ञान कायदा 2000 कलम 66 नुसार गुन्हा दाकल करण्यात आला आहे.
