प्र्रत्येक वेळा डावललं जातं, स्थानीक आमदार काम करू देत नाही, जिथं तितं मानहाणी, आता बस्स झालंं, बजरंग बप्पा निर्णय घ्या
केज (रिपोर्टर): भारतीय जनता पार्टीकडून विद्यमान खासदार प्रीतम मुंडेंना डावलून भाजपाच्या राष्ट्रीय सचिव पंकजा मुंडेंना ुमेदवारी घोषीत केल्यानंतर शरद पवारांकडून बीड लोकसभेसाठी कोण उमेदवार येणार याची उत्सुकता शिगेला पेहचलेली असतानाच शरद पवार गट दे धक्का करत बजरंग सोनवणेंना उमेदवारी देणार असल्याची एकीकडे जोरदार चर्चा होत असताना आज केज येथील बजरंग सोनणेंच्या ‘पवनसुत’ बंगल्यावर कार्यकर्त्यांची आज दुपारी बैठक झाली. प्रत्येक वेळा आपल्या डावललं जातं, स्थानीक आमदार करू देत नाही, जिथे तिथं मानहानी, आता बस्स झालं, बजरंग बप्पा निर्णय घ्या, खासदारकी लढवा, असा सूर या कार्यकर्त्यांनी लावला.
अवघ्या महाराष्ट्राचे लक्ष लागून असलेल्या बीड लोकसभा मतदारसंघात शरद पवारांकडून कोण उमेदवार येतो याकडे सर्वांच्या नजरा लागलेल्या असताना उपमुख्यमंत्री अजित पवार, राज्याचे कृषीमंत्री धनंजय मुंडे यांच्या सोबत असलेले बजरंग बप्पा सोनवणे यांनाच शरद पवारांकडून उमेदवारी देण्याच्या हालचाली सुरू असल्याची चर्चा होत असताना आज बजरंग सोनवणेंच्या पवनसुत बंगल्यावर बप्पांच्या कार्यकर्त्यांची बैठक झाली. या बैठकीला बजरंग सोनवणे उपस्थित नसले तरी कार्यकर्त्यांनी मात्र दंड थोपटत थेट लोकसभा लढवण्याचा निर्णय घेण्याचा सूर आवळला. त्यामुळे शरद पवार गटाकडून अजित पवारांना दे धक्का देत बीडमध्ये बजरंग सोनवणेंना पंकजा मुंडेंचा प्रतिस्पर्धी उमेदवार करण्याची तयारी सुरू ठेवत बीडची निवडणूक पुन्हा एकदा राज्यस्तरावर चर्चीत होणार आहे.
मेटे ताईंनाही निरोप
शिवसंग्रामच्या सर्वेसर्वा ज्योतीताई मेटे या बीड लोकसभेसाठी ताकतवार उमेदवार होऊ शकतात, सध्याची राजकीय परिस्थिती आणि त्या परिस्थितीत भाजपा उमेदवाराला मिळालेले बळ पाहता त्यावर मात करण्यासाठी ज्योतीताई मेटेंचं कार्ड चालू शकतो म्हणून शरद पवारांची राष्ट्रवादी मेटे ताईंच्या संपर्कात असल्याचे बोलले जाते. एवढेच नव्हे तर पवार गटाकडून ताईंन निरोपही आल्याचे सुत्रांचे सांगणे आहे. इते ताईंनी निर्णय घेतला तर पंकजा मुंडेंविरुद्ध ज्योतीताई मेटे ही लढत देश पातळीवर गाजेल.