Tuesday, May 17, 2022
No menu items!
Homeमहाराष्ट्रमुंबईजनता महागाईने होरपळतेय, भाजप हिंदुत्वाचा अजेंडा राबवतो- खा. शरद पवार

जनता महागाईने होरपळतेय, भाजप हिंदुत्वाचा अजेंडा राबवतो- खा. शरद पवार


राज ठाकरे तीन महिने भूमिगत असतात, मग एखादे व्याख्यान देतात -खा. शरद पवार
मुंबई (रिपोर्टर) याआधी कधी पेट्रोल आणि डिझेलचे एवढे भाव झाले नाही. सध्या अवघा देश महागाईने प्रचंड त्रस्त आहे. सर्वसामान्यांना प्रचंड यातना होत आहेत. मात्र याकडे केंद्रातील सत्ताधारी अजिबात लक्ष देत नाही, या ऐवजी त्यांच्याकडून हिंदुत्वाचा अजेंडा राबवला जात आहे. पेट्रोल-डिझेलसह अन्य जीवनावश्यक वस्तुंच्या किमतीत प्रचंड वाढ होत आहेत. त्याची किंमत सर्वसामान्य लोकांना चुकवावी लागत असल्याचे सांगत राज ठाकरे तीन ते चार महिने भूमिगत असतात, मग एखादं व्याख्यान देतात, त्यांच्या भूमिकेत अजिबात सातत्य नसते. आम्ही कधीही जाती-पातीचे राजकारण केले नाही. राज ठाकरे यांना उत्तर प्रदेशात विकास होत असल्याचे दिसले. त्यांनी तेथे काय पाहिले? त्यांना काय दिसले? हे त्यांनाच माहितय, असा टोलाही पवारांनी या वेळी लगावला.


आज ते आयोजीत पत्रकार परिषदेमध्ये बोलत होते. राज ठाकरे ३, ४ महिने भूमिगत राहतात आणि मग एखाद व्याख्यान देतात. त्यांच्या भूमिकेत अजिबात सातत्य नसत. सर्व जातीधर्मियांना सोबत पुढे घेऊन जाण्याचा राष्ट्रवादी कॉंग्रेसचा विचार आहे. आम्ही कधीही जातीपातीचे राजकारण केले नाही, असे प्रत्युत्तर शरद पवार यांनी दिले आहे.
उत्तर प्रदेशात विकास होत आहे. ही चांगली बाब असल्याचे राज ठाकरे काल म्हणाले होते. तसेच आपण लवकरच अयोद्धेला जाणार असल्याचेही ते म्हणाले होते. यावरदेखील शरद पवार यांनी राज ठाकरेंना उत्तर प्रदेशात काय दिसले हे त्यानांच माहित असा टोला लगावला आहे.
मुंबई महापालिकेसह इतर निवडणुकांमध्ये राज ठाकरेंचा पक्ष किती प्रमाणात सहभागी होईल, हे माहित नाही. मागील निवडणुकांमध्येही त्यांचा पक्ष विशेष कामगिरी करू शकलेला नाही. त्यांच्या निवडून आलेल्या उमेदवारांचा आकडा बोटावर मोजण्याइतपतही नसतो. त्यामुळे ते आता कितपत प्रभाव पाडू शकतील, हे सांगता येत नाही, असा खोचक टोला शरद पवारांनी लगावला.
समाजातील सर्व स्तरातील लोकांना सध्या महागाईचा प्रचंड त्रास होत आहे. रोज किमती वाढत आहेत. निवडणुका संपताच अशा पद्धतीने रोज पेट्रोल-डिझेलचे दर वाढल्याचे या देशाने पुर्वी कधी पाहिले नाही. त्यामुळे सामान्यांना प्रचंड यातना होत आहे. मात्र, याकडे केंद्रातील सत्ताधारी अजिबात लक्ष देण्यास तयार नाही. याऐवजी त्यांच्याकडून हिंदुत्वाचाच अजेंडा राबवला जात आहे, अशी टीका शरद पवार यांनी केली. तसेच, पेट्रोल-डिझेलच्या किंमती वाढल्यामुळे धान्यासह इतर जीवनावश्यक वस्तुंच्याही किंमती वाढत आहेत. त्यांची किंमत शेवटी लोकांनाच चुकवावी लागत आहे. मात्र, या मुद्द्याकडेही एवढे दुर्लक्ष झाल्याचे कधी पाहिले नाही, असे शदर पवार म्हणाले.
सामाजिक ऐक्य धोक्यात यईल, अशी गंभीर विधाने सध्या देशात सत्ता असलेल्यांकडूनच केली जात आहेत. समाज एकसंघ ठेवणे, वेगवेगळ्या जाती-धर्मियांमध्ये एकोपा राहिल, यासाठी खरे तर सत्ताधार्‍यांनी प्रयत्न करायला हवेत. मात्र, सत्ताधार्‍यांकडून जाणीवपूर्वक दोन जाती-धर्मीयांमध्ये तेढ निर्माण होईल, अशी विधाने केली जात आहेत. देशाच्या दृष्टीने हे अतिशय घातक असल्याचे शरद पवार म्हणाले. काश्मीर प्रश्‍नी बोलताना ते म्हणाले की, कश्मीर फाईल्स चित्रपटात सत्य दाखवलेले नाही. ज्यावेळी कश्मीरमध्ये हिंदुंविरोधात दंगली भडकल्या, तेव्हा देशात सत्तेची सुत्रे भाजपच्याच हातात होती. तेव्हा हिंदुना कश्मीर खोर्‍यातून बाहेर काढण्यासाठी भाजपनेच गाड्या पुरवल्या. कॉंग्रेस तेव्हा सत्तेतही नव्हती. हे सत्य असतानाही चित्रपटात कॉंग्रेसलाच जबाबदार धरले आहे. त्यावर हा चित्रपट पाहिला पाहिजे, तो मोफत दाखवला पाहिजे, असे देशातील सर्वोच्च नेतेच लोकांना सांगत आहेत. याचा अर्थ धार्मिक तेढ निर्माण करून त्याचा राजकीय फायदा घ्यायचा, यावर केंद्रीय सत्ताधार्‍यांचा भर आहे. लोकांच्या समस्यांकडे त्यांचे लक्ष नाही. नागरिकांच्या दृष्टीने हे योग्य नाही, असे पवार म्हणाले.

ताज्या बातम्यांसाठी टेलीग्रामवर आमचं चॅनेल (@beedreporter) जॉइन करा येथे क्लिक करा आणि महत्त्वाच्या न्यूज अपडेट मिळवा.

Most Popular

error: Content is protected !!