वडवणी (रिपोर्टर):- शेताच्या कामानिमित्त बाहेर गेलेल्या 50 वर्षीय इसमाला अज्ञात स्कॉर्पिओ जोराची धडक दिली आहे. यामध्ये सदरील इसम गंभीर जखमी झाला असून उपचारासाठी घेऊन जात आसतानाच रस्त्यामध्येच जखमीची प्राणज्योत मालवली आहे. आज सकाळी 9 वाजण्याच्या सुमारास शोकाकुल वातावरणात अंत्यसंस्कार करण्यात आले आहेत.
आनित मोतीराम पवार (वय-50 वर्ष रा. धैस तांडा वडवणी) असे मयत झालेल्याचे नाव आहे. सदरील मयत इसम हे वडवणी तेलगांव रोडवरील थ्री स्टार हाँटेल शेजारील शेतात कामासाठी गेले होते. वापस वडवणी शहराकडे पायपाई येत आसताना याच हॉटेल समोर अज्ञात स्काँर्पिओ गाडीने पाठीमागून जोराची धडक दिली आहे. यामध्ये आनित मोतीराम पवार जागीच कोसाळले आणि त्यांना गंभीर इजा झाली होती. प्रथमदर्शी व्यक्तीने वडवणी येथील खाजगी रुग्णालयात उपचारसाठी दाखल केले आसता डाँक्टरानी बीड येथील उपचारसाठी हलविण्यात यावे असा सल्ला दिला होता. यानंतर नातेवाईकांनी बीड येथील खाजगी रुग्णालयात उपचारासाठी घेऊन जात आसतानाच अचानक बार्शीनाका येथे गेल्यानंतर आनित पवार यांची प्राणज्योत मालवली स्पंदन हाँस्पिटलमधील डाँक्टरांनी आनित पवार यांना मयत म्हणून घोषित केले. श्वविच्छेदन करण्यासाठी जिल्हा रुग्णालयात मृतदेह पाठविण्यात आला होता. तर आज सकाळी 9 वा. त्यांच्यावर शोकाकुल वातावरणात धैस तांडा वडवणी येथे अंत्यसंस्कार करण्यात आले आहेत. त्यांच्या पश्चाताप पत्नी, प्रत्येकी एक मुलगा आणि विवहित मुलगी तसेच सुन्ना, नातवंड, जावई सोबतच अच्युत, अंकुश आणि भाऊसाहेब असे चार भावंड आणि भावजई असा मोठा परिवार आहे. तर माजी जि. प. सदस्य बी. एम. पवार यांचे ते भाऊ होते. पवार कुंटुबियाच्या दु:खात साजं दै. रिपोर्टर परिवार देखील सहभागी आहे.
स्कार्पीओंने धडक दिली : एकाचा मृत्यू एक जखमी
परळी (रिपोर्टर): भरधाव वेगात आलेल्य स्कॉर्पिओने मोटारसायकलला धडक दिल्याने यात एक ठार तर एक जण जखमी झाला असून ही घटना काल रात्री परळी-सोनपेठ रोडवरील इंजेगाव परिसरातील सबस्टेशन जवळ घडली. या प्रकरणी अज्ञात आरोपीविरुद्ध गुन्हा दाखल करण्यात आला आहे.
याबाबत अधिक माहिती अशी की, परळी तेे सोनपठ रोडवर इंजेगाव शिवारात सबस्टेशन जवळ पांढर्या रंगाच्या एका स्कार्पिओ गाडीच्या चालकाने गाडी भरधाव वेगाने निष्काळजीपणे चालवुन मो.सा.क्र. एम.एच.26 व्ही. 4802 हीस पाठीमागुन जोराची धडक दिली. यामध्ये मोटारसायकलचे 10,000/-रुपयाचे नुकसान केले.तसेच फिर्यादी अनिकेत वैजनाथ जळकुटे वय 19 वर्ष व्यवसाय मजुरी रा.तत्तापुर ता. रेणापुर जिल्हा लातुर व सोमनाथ दिलीप ब्याळे यांना गंभिर जखमी करुन सोमनाथ दिलीप ब्याळे यांचे वय 26 वर्ष रा. आडगाव जिल्हा परभणी मरणास कारणीभुत झाला. याप्रकरणी आरोपी पांढर्या रंगाचे स्कार्पीओ गाडीचा चालक नाव गाव माहित नाही याच्याविरुद्ध मरणास कारणीभुत झाला म्हणून गुन्हा नोंदविण्यात आला आहे.पुढील तपास पो.हे.कॉ. 448 तोटेवाड हे करीत आहेत.
