काल सिरसाळ्यात तिघांना पकडले, आज राजुरीत दोघांच्या मुसक्या बांधल्या
सिरसाळा/बीड (रिपोर्टर): एकीकडे जिल्हा प्रशासन जिल्हाभरातील 340 पेक्षा अधिक शस्त्र परवाने रद्द करत असताना दुसरीकडे अवैध पिस्टल आणि गावठी कट्टे सर्रासपणे जिल्ह्यात विक्री होताना आणि सोबत घेऊन वावरताना अनेकजण दिसून येतात. काल परळी तालुक्यातील सिरसाळा पोलिसांनी एका गावठी कट्टासह तिघा जणांना सापळा रचून जेरबंद केल्यानंतर आणि बीड तालुक्यातल्या नवगण राजुरी येथे एका अवघ्या 23 वर्षीय तरुणाच्या कंबरेला गावठी कट्टा असल्याची माहिती पोलिस पथकाला झाल्यानंतर पोलिसांनी त्याठिकाणी छापा मारून त्याची झडती घेतली असता त्याच्याकडे मॅगझीनसह गावठी कट्टा मिळून आला. या ठिकाणीही दोघा जणांविरोधात गुन्हा दाखल करण्यात आला आहे. या दोन कारवाईतून जिल्ह्यात गावठी कट्टे बाळगणारे गुंड पुंड मोठ्या प्रमाणावर असल्याचे पुन्हा एकदा निदर्शनास येत असून याविरोधात पोलिसांनी मोहीम उघडली तर अनेकांकडे असे गावठी कट्टे आढळून येतील. असे बोलले जाते.
परळी तालुक्यातील सिरसळा येथे पोलिसांनी धडक कारवाई करत विनापरवाना पिस्तूल बाळगणार्या तीन जणांना ताब्यात घेतले आहे. या घटनेमुळे परिसरात एकच खळबळ उडाली आहे. स्थानिक पोलिसांना गुप्त माहिती मिळाली होती की, काही व्यक्ती सिरसळा परिसरात बेकायदेशीरपणे शस्त्रे बाळगून आहेत. या माहितीच्या आधारे पोलिसांनी तात्काळ सापळा रचला.मिळालेल्या माहितीनुसार, दिनांक 22 जुलै मंगळवार रोजी 8:15 वाजणेच्या सुमारास सिरसाळा ते मोहा जाणारे रोडवरील खदानीजवळ इसम नामे 1) राम अभिमान धोत्रे वय 30 वर्षे रा. सिरसाळा ता. परळी वै. याने अवैद्य बेकायदेरित्या 2) करण मरगु कुर्हाडे, 3) अशोक तुकाराम पवार दोन्ही रा. सिरसाळा ता.परळी वै. यांचेकडुन गावठी देशी कटटा (पिस्टल) खरेदी करून जवळ बाळगत असतांना मिळुन आला म्हणुन साहाय्यक पोलिस निरीक्षक गोरखनाथ बाबासाहेब दहीफळे यांच्या फिर्यादीवरून आरोपी क्र.1 रामा अभिमान धोतरे, अरोपी क्र.2 करण मरगु कुर्हाडे, अरोपी क्र.3 अशोक तुकाराम पवार सर्व राहणार सिरसाळा यांच्या विरुद्ध गु.र.न.204/2024 कलम 3,5,25 शस्त्र अधीनियम 1959 आर्म अॅक्टप्रमाणे गुन्हा दाखल केला असून, पुढील तपास पोलिस उपनिरीक्षक आनंद जाधव करत आहे. व तसेच गावठी कट्टा खरेदी करण्याचा त्याचा उद्देश काय होता आणि यामागे आणखी कुणाचा सहभाग आहे का, याबाबत पोलीस कसून चौकशी करत आहेत.
या घटनेमुळे सिरसळ्यातील कायदा व सुव्यवस्थेचा प्रश्न पुन्हा ऐरणीवर आला आहे. दुसरीकडे आज बीड तालुक्यातल्या नवगण राजुरी येथील एका पानटपरीवर बसलेल्या तरुणाकडे गावठी कट्टा असल्याची माहिती स्थानीक गुन्हे अन्वेषण विभागाला झाली. त्यांनी त्याठिकाणी छापा मारला असता प्रदीप अशोक वखरे (वय 27 वर्षे, रा. माळेगल्ली नवगण राजुरी) या तरुणाची झडती घेतली तेव्हा पॅन्टच्या आतमध्ये खोवलेला एक गावठी कट्टा मॅगझीनसह मिळून आला. अधिक चौकशी केली असता त्याने गणेश श्रीराम बहीर याच्याकडून तो गावठी कट्टा घेतल्याचे सांगितले. त्यावरून प्रदीप व गणेश विरोधात बीड ग्रामीण पोलिसात गुन्हा दाखल करण्यात आला आहे. सदरची कारवाई ही जिल्हा पोलीस अधिक्षक नवनीत काँवत सचीन पांडकर, बंटेवाड यांच्या मार्गदर्शनाखाली सुशांत सुतडे, मारुती कांबळे, विष्णू सानप, विकास राठोड, भागवत शेलार, अतुल हराळे या पोलिसांनी केली. या घटनेने जिल्ह्यात खळबळ उडाली आहे.
ReplyReply allForwardAdd reaction
