माजलगाव (रिपोर्टर): माजलगाव नगरपालिकेच्या उपगराध्यक्षपदी शरदचंद्र पवार राष्ट्वादी काँग्रेस तुतारीचे सहाल चाउस यांची बिनविरोध निवड झाली तर तुतारीकडुन स्विकृत सदस्यपदी विजय मोहन जगताप, बहुजन विकास मोर्चाच्या वतीने अभिजीत बाबुराव पोटभरे तर घड्याळाकडुन डॉ. सचिन देशमुख यांच्या निवडी करण्यात आल्या आहेत.
माजलगाव नगरपालिकेची निवडणुक अतिशय अटीतटीची झाली होती. यामध्ये तुतारीच्या शिफा बिलाल चाउस या थेट जनतेतुन विजयी झाल्या होत्या. यानंतर उपगनराध्यक्ष व स्विकृत सदस्यांच्या निवडी राहिल्या होत्या. यासाठी मोठ्या राजकीय घडामोडी पहायला मिळाल्या. घड्याळाच्या विरोधात तुतारीकडुन निवडणुक लढविलेले उपनगराध्यक्ष पद मिळविण्यासाठी घड्याळाच्या गोटात जाण्याची तयारी देखिल दाखविली होती. त्यामुळे उपनगराध्यक्ष निवडीत मोठी रंगत वाढली होती. दि. 15 जानेवारीला माजलगाव नगरपालिकेच्या उपगराध्यक्षपदी शरदचंद्र पवार राष्ट्वादी काँग्रेस तुतारीचे सहाल चाउस यांची बिनविरोध निवड झाली तर तुतारीकडुन स्विकृत सदस्यपदी विजय मोहन जगताप, बहुजन विकास मोर्चाच्या वतीने अभिजीत बाबुराव पोटभरे तर घड्याळाकडुन डॉ. सचिन देशमुख यांच्या निवडी करण्यात आल्या आहेत. या निवडीबद्दल त्यांचे सर्व स्तरातुन अभिनंदन होत आहे.
—–
सुन नगराध्यक्षा, सासरे उपनगराध्यक्ष
माजलगाव नगरपालिका निवडणुकीत चाउस कुटूंबीयांनी मोठ्या प्रमाणात यश मिळविले आहे. माजी नगराध्यक्ष सहाल चाउस यांच्या सुनबाई शिफा बिलाल चाउस या नगराध्यक्षपदी विराजमान झाल्या तर मोठी राजकीय खेळी करत सहाल चाउस यांनी उपनगराध्यक्ष पद देखिल स्वतःकडे घेतले आहे. राज्यात नगरपालिकेमध्ये सुन नगराध्यक्ष व सासरे उपनगराध्यक्ष असणारी माजलगाव नगरपालिका एकमेव ठरली आहे.
