बीड | रिपोर्टर
डॉ. बाबासाहेब आंबेडकर जयंती महोत्सव शांततेत आणि सुव्यवस्थेत पार पडावा यासाठी पेठ बीड पोलिसांनी अवैध दारू विक्री करणाऱ्या रेकॉर्डवरील ११ इसमांविरोधात कठोर कारवाई करत त्यांना बीड तालुका व पेठ बीड पोलीस ठाणे हद्दीत प्रवेश करण्यास मनाई केली आहे.
पेठ बीड पोलिसांनी कलम 163(3) बी.एन.एस.एस. अंतर्गत प्रस्ताव सादर केल्यानंतर विशेष कार्यकारी दंडाधिकारी तथा अपर पोलीस अधीक्षक कार्यालयाने संबंधितांना दि. 13 एप्रिल 2026 रोजी दुपारी 3 वाजल्यापासून ते दि. 15 एप्रिल 2026 रोजी सकाळी 11 वाजेपर्यंत बीड तालुक्यात प्रवेशबंदीचे आदेश दिले आहेत.
प्रवेशबंदी करण्यात आलेल्या व्यक्तींमध्ये –
गणेश दशरथ शिंगणे (बलभिमनगर)
अमोल शिवाजी चांदणे (चांदणे वस्ती)
बळीराम हिरामण कसबे (हनुमान नगर)
अजिंक्य अनिल कसबे (हनुमान नगर)
नवनाथ भिमा चांदणे (एमआयडीसी परिसर)
मनोज लक्ष्मण तेलंग (इमामपूर रोड)
लखन नवनाथ जाधव (नाळवंडी नाका)
प्रकाश नवनाथ चांदणे (चांदणे वस्ती)
सूर्यभान बालाजी लांडगे (माऊलीनगर)
कचरू रामभाऊ पवार (आयोध्यानगर)
संतोष बप्पासाहेब माटे (हनुमान नगर) यांचा समावेश आहे.
सदर आदेशाची सर्व संबंधितांना बजावणी करण्यात आली असून, दिलेल्या कालावधीत बीड तालुक्यात प्रवेश न करण्याच्या सूचना देण्यात आल्या आहेत. आदेशाचे उल्लंघन झाल्यास कठोर कायदेशीर कारवाई करण्यात येणार असल्याचा इशारा पोलिसांनी दिला आहे.
ही कारवाई पोलीस अधीक्षक नवनीत कॉवत, अपर पोलीस अधीक्षक सचिन पांडकर, सहाय्यक पोलीस अधीक्षक तथा उपविभागीय पोलीस अधिकारी व्यंकटराम यांच्या मार्गदर्शनाखाली पोलीस निरीक्षक मारुती खेडकर व पेठ बीड पोलीस ठाण्यातील अधिकारी-अंमलदार यांनी केली.
