बीड (रिपोर्टर) बँकेतून चार लाख रुपये काढून ते गाडीच्या डिक्कीत ठेवले. गावी जात असतांना वाटेत मित्र भेटला. गाडी साईटला लावून मित्रासोबत गप्पा मारत असतांना अज्ञात चोरट्यांने 3 लाख 80 हजार रुपयांची बँग लंपास केल्याची घटना आष्टी शहरातील तावरे टेलर यांच्या दुकानासमोर 29 ऑगस्ट समोर घडली. या प्रकरणी आष्टी पोलीसात अज्ञात चोरट्या विरोधात गुन्हा दाखल करण्यात आला आहे.
राजाभाऊ आसाराम धनवडे (रा.मुर्शदपूर धनवडे वस्ती ता.आष्टी जि.बीड) यांनी आष्टी येथील बँकेतून चार लाख रुपये काढून आपल्या दुचाकीच्या डिक्कीत ठेवले. त्यातील 3 लाख 80 हजार रुपये एका पिशवीत तर 20 हजार रुपये डिक्कीत मोकळे ठेवले. आपल्या घराकडे मंगळूर मार्गे जात असतांना मुर्शदपूर रोडवर त्यांच्या मित्राचे टेलरचे दुकान आहे. मित्रांने त्यांना आवाज दिल्यानंतर त्यांनी आपली दुचाकी रस्त्याच्या कडेला उभी करुन मित्राच्या दुकानात गेले. दहा मिनीटे मित्राला बोलून दुचाकीकडे आले असता गाडीची डिक्की उघडी दिसली. त्यातील 3 लाख 80 हजार रुपयांची बॅग, पासबूक, चेकबूक अज्ञात चोरट्यांने लंपास केले. तर मोकळे ठेवलेले 20 हजार रुपये तसेच पडून होते. धनवडे यांनी आष्टी पोलीसात दिलेल्या तक्रारीवरुन अज्ञात चोरट्यां विरोधात गुन्हा दाखल झाला आहे. या प्रकरणीचा पुढील तपास पो.उ.निरीक्षक सातव हे करत आहे.