Thursday, July 29, 2021
No menu items!
Homeराजकारणमंत्री संजय राठोड यांच्या समर्थनार्थ भाजपाच्या सरपंचाने दिला राजीनामा

मंत्री संजय राठोड यांच्या समर्थनार्थ भाजपाच्या सरपंचाने दिला राजीनामा

अंबाजोगाईतील काळवटीचे सरपंच म्हणतात, भाजप ओबीसींचे नेतृत्व संपवत आहे

बीड (रिपोर्टर):- पूजा चव्हाण या तरुणीच्या कथित आत्महत्या प्रकरणात संशयाच्या फेर्‍यात अडकलेले संजय राठोड यांच्या राजीनाम्याबाबत दोन गट पडल्याचं सांगण्यात येतंय. तसंच, राठोड यांच्या समर्थनार्थ राज्यात अनेक जण पुढे येत आहेत. अशातच भाजपच्या सरपंचानं संजय राठोड यांचं समर्थन करत पक्षाचा राजीनामा दिला आहे.
पूजा चव्हाण ही तरुणी मुळची बीड जिल्ह्यातील असून तीनं पुण्यात आत्महत्या केल्यानं एकच खळबळ उडाली आहे. पूजाच्या आत्महत्येला ठाकरे सरकारमधील एक मंत्री जबाबदार असल्याचा आरोप भाजपनं केला आहे. तर, भाजपच्या नेत्या चित्रा वाघ यांनी शिवसेनेचे नेते व वनमंत्री संजय राठोड यांचं थेट नाव घेऊन आरोप केला आहे. तसंच, सोशल मीडियावर या प्रकरणी ऑडिओ क्लिप व्हायरल झाल्यानंतर भाजपनं राठोड यांच्यावर कारवाई करावी, अशी मागणी केली आहे. मात्र, दुसरीकडे बंजारा समाज संजय राठोड यांच्या समर्थनार्थ पुढे आला आहे. बीड जिल्ह्यातील अंबेजोगाई तालुक्यातील काळवटी तांडा या गावच्या सरपंचानं भाजपवर गंभीर आरोप करत पक्षाचा राजीनामा दिला आहे.
सरपंच कमल नाथराव चव्हाण असं या सरपंचाचं नाव असून त्यांनी भाजपचे प्रदेशाध्यक्ष चंद्रकांत पाटील यांच्याकडे राजीनामा पाठवला आहे. तसंच, वनमंत्री संजय राठोड यांचं समर्थनही केलं आहे.

काय आहे राजीनामा पत्रात…
’मी कमल नाथराव चव्हाण, काळवटी, ता. अंबाजोगाई, जि. बीड येथील सरपंच म्हणून मी माझ्या भाजप सदस्यत्वाचा राजीनामा देत असून त्याचा स्वीकार करण्यात यावा. राजीनाम्याचे कारण म्हणजे गोपीनाथ मुंडे यांच्या निधनानंतर भाजपा पक्षातील नेते वेळोवेळी महाराष्ट्रातील ओबीसी नेतृत्व व बंजारा समाजातील उच्च पदस्थ लोकनेते संजय राठोड यांना संपवण्याचे कटकारस्थान करत असल्याचं मला जाणवत आहे,’ असा आरोप कमल चव्हाण यांनी केला आहे.

ताज्या बातम्यांसाठी टेलीग्रामवर आमचं चॅनेल (@beedreporter) जॉइन करा येथे क्लिक करा आणि महत्त्वाच्या न्यूज अपडेट मिळवा.

Most Popular

error: Content is protected !!