बीड (रिपोर्टर) मांजरसुंबा घाटात अपघाताची मालिका सुरुच आहे. रात्री साडेनऊ वाजता मालवाहू ट्रक आणि स्विफ्ट डिझायरची धडक होून झालेल्या अपघातात एका महिलेसह दोघे गंभीर जखमी झाल्याची घटना घडली. जखमींवर शहरातील काकु-नाना हॉस्पिटलमध्ये उपचार सुरू आहेत.
श्रीरामपूर येथील वसीम मुलाहीज नजीर (वय 35 वर्षे), मुख्तार शेख (वय 30) आणि एक महिला हे स्विफ्ट डिझायरने (क्र. एम.एच. 04 ईएस 1669) मांजरसुंब्याहून बीडकडे येत होते. तर मालवाहू ट्रक (आर.जे. 27 जी.डी.0418) ही देखील मांजरसुंब्याहून बीडकडे येत होती. रात्री साडेनऊ वाजता स्विफ्ट कार ट्रकला पाठिमागून धडकली. या अपघातात तिघे जण गंभीर जखमी झाले. अपघाताची माहिती मांजरसुंबा पोलिसांना मिळताच पोलिसांनी घटनास्थळी धाव घेऊन वाहतूक सुरळीत केली.