बीड (रिपोर्टर) श्री सिद्धीविनायक नागरी सहकारी पतसंस्थेची निवडणूक बिनविरोध झाल्यानंतर संस्थेचे मुख्य प्रवर्तक डॉ.शिवप्रसाद चरखा यांच्या उपस्थितीत संस्थेच्या अध्यक्षपदी संस्थेचे अध्यक्षपदी सायं.दैनिक बीड रिपोर्टरचे कार्यकारी संपादक गणेश सावंत, सचिवपदी डॉ. वरद शिवप्रसाद चरखा, उपाध्यक्ष म्हणून पार्वती गोरक्ष कांडेकर यांची बिनविरोध निवड करण्यात आली आहे. सदरची निवडणूक ही डीडीआरचे निवडणूक निर्णय अधिकारी बेटकर व जाधव यांच्या उपस्थितीमध्ये करण्यात आली. (पान 7 वर)
26 हजार रुपयांच्या भागभांडवलवर इ.स. 2003 साली उभारण्यात आलेली श्री सिद्धीविनायक नागरी सहकारी पतसंस्थेने ग्राहकांच्या विश्वासाला पात्र ठरत 20 कोटी ठेवीपर्यंत मजल मारली आहे. तब्बल साडेपंधरा ते सोळा कोटींचे वाटप असलेल्या या पतसंस्थेची निवडवणूक गेल्या महिन्यात झाली. सदरची निवडणूक ही बिनविरोध झाल्यानंतर जिल्हा उपनिबंधक यांच्या आदेशावर परवा अध्यक्ष, उपाध्यक्ष, सचिव यांची निवडणूक झाली. निवडणूक निर्णय अधिकारी म्हणून बेटकर व जाधव हे उपस्थित होते. या वेळी संस्थेचे मुख्य प्रवर्तक डॉ. शिवप्रसाद चरखा यांच्या सूचनेवरून अध्यक्ष म्हणून सायं. दैनिक बीड रिपोर्टरचे कार्यकारी संपादक गणेश सावंत, उपाध्यक्ष म्हणून सौ. पार्वती गोरक्ष कांडेकर, सचिव डॉ. वरद शिवप्रसाद चरखा, सहसचिव आकाश अशोक भुजबळ यांची निवड करण्यात आली. या वेळी संचालक सौ. सुनिता नाथाराम नरवडे, सौ. अर्चना देवीदास रत्नपारखी, डॉ. विनोद कांतीलाल ओस्तवाल, सिताराम सखाराम बांगड, डॉ. स्वप्नील बापुराव शिंदे, सचीन अर्जुन ठोकरे, सौ. अलका अभिमान शिंदे हे उपस्थित होते.
सिद्धीविनायक पतसंस्थेच्या अध्यक्षपदी गणेश सावंत, उपाध्यक्षपदी डॉ. वरद चरखा यांची निवड
